ପୁରୀ ୭।୭: ବିଶ୍ବ ପ୍ରସିଦ୍ଧ ପବିତ୍ର ରଥଯାତ୍ରା । ରଥାରୂଢ଼ ହେଲେ ଚତୁର୍ଦ୍ଧାମୂର୍ତ୍ତି । ଧାଡ଼ି ପହଣ୍ଡିରେ ଆସି ରଥରେ ବିରାଜିଲେ ଶ୍ରୀଜିଉ । ପ୍ରଥମେ ଚକ୍ରରାଜ ଶ୍ରୀ ସୁଦର୍ଶନ, ପରେ ପରେ ତିନି ଠାକୁର ରଥରେ ବିରାଜିତ ହୋଇଛନ୍ତି । ନିର୍ଦ୍ଧାରିତ ସମୟର ବହୁ ଆଗରୁ ଆରମ୍ଭ ହୋଇଥିଲା ପହଣ୍ଡି । ପ୍ରଥମେ ଚକ୍ରରାଜ ସୁଦର୍ଶନଙ୍କ ପହଣ୍ଡି ବିଜେରେ ରଥାରୂଢ଼ ହୋଇଥିଲେ । ପରେ ଧାଡ଼ି ପହଣ୍ଡିରେ ରତ୍ନବେଦୀରୁ ବାହାରି ଆସିଥିଲେ ବଡ଼ଭାଇ, ବଡ଼ଠାକୁର ବଳଭଦ୍ର । ନିର୍ଦ୍ଧାରିତ ସମୟର ଦୁଇ ଘଣ୍ଟା ପୂର୍ବରୁ ଚାଲିଥିଲା ପହଣ୍ଡି ନୀତି । ବଳଭଦ୍ର ରଥାରୂଢ ହେବା ପରେ ପରେ ଦେବୀ ସୁଭଦ୍ରା ପହଣ୍ଡି ବିଜେ ହୋଇ ରଥାରୂଢ଼ ହୋଇଥିଲେ । ପରେ ଧାଡ଼ି ପହଣ୍ଡିରେ ଭକ୍ତଙ୍କ ଗହଣକୁ ଆସିଥିଲେ ଭାବ ବିନୋଦିଆ । ଟାହିଆ ହଲାଇ, ଟିକେ ରହି, ଟିକେ ଆଗକୁ ବଢ଼ି, ଭକ୍ତଙ୍କୁ କଣେଇ କଣେଇ ଦେଖି ରଥକୁ ଯାଇଛନ୍ତି କଳା ଠାକୁର ।

ଘଣ୍ଟଘଣ୍ଟା, ମୃଦଙ୍ଗ, ହରିବୋଲ, ହୁଳହୁଳିରେ ପ୍ରକମ୍ପିତ ହେଉଛି ସାରା ପରିବେଶ । ରଥାରୂଢ଼ ଶ୍ରୀଜିଉଙ୍କ ଦର୍ଶନ ପାଇଁ ବଡ଼ଦାଣ୍ଡରେ ଲାଗିଛି ଅଗଣିତ ଭକ୍ତଙ୍କ ଭିଡ଼ ।

You Can Read:

ନବଯୌବନ ଦର୍ଶନ ଦେଲେ ଶ୍ରୀ ଶ୍ରୀ ହରି ବଳଦେବ ଜୀଉ, ମଧ୍ୟରାତ୍ରିରେ ହେଲା ନେତ୍ରୋତ୍ସବ