ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବ୍ୟବହାର କରନ୍ତି ଏହି ସ୍ମାର୍ଟ ଫୋନ, ନା ହୋଇପାରିବ ହ୍ୟାକ୍ କି ଟ୍ରାକ୍

ନୂଆଦିଲ୍ଲୀ ୧୦।୧୨: ବିଶ୍ୱର ଚର୍ଚ୍ଚିତ ଲୋକଙ୍କ ମଧ୍ୟରେ ଅନ୍ୟତମ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲଗାତାର ଚର୍ଚ୍ଚାରେ ରହୁଛନ୍ତି। ତାଙ୍କ ବ୍ୟକ୍ତିଗତ ଜୀବନ ଓ ଟେକ୍ ସମ୍ପର୍କିତ ପସନ୍ଦକୁ ନେଇ ମଧ୍ୟ ଲୋକଙ୍କ ମଧ୍ୟରେ ଉତ୍ସୁକତା ରହିଛି। ତେବେ ପ୍ରଶ୍ନ ହେଉଛି ପ୍ରଧାନମନ୍ତ୍ରୀ ମୋଦି କେଉଁ ଫୋନ ବ୍ୟବହାର କରନ୍ତି? ଅନେକ ଥର ତାଙ୍କୁ ଆଇଫୋନରେ ସେଲଫି ନେଉଥିବାର ଦେଖା ଯାଇଛି, ତେବେ ସୁରକ୍ଷିତ କମ୍ୟୁନିକେସନ ଲାଗି ସେ ଯେଉଁ ଫୋନ ଉପଯୋଗ କରନ୍ତି ତାହା ସମ୍ପୁର୍ଣ୍ଣ ଏନକ୍ରିପ୍ଟେଡ ଓ ଏହା କୌଣସି ଏଣ୍ଡ୍ରେଏଡ ଅଥବା ଆଇଫୋନ ନୁହେଁ।

ଏୟାରଟେଲର ଏକ ବ୍ଲଗ ଅନୁସାରେ ପ୍ରଧାନମନ୍ତ୍ରୀ ମୋଦି ସୁରକ୍ଷିତ କମ୍ୟୁନିକେସନ ନିମନ୍ତେ ‘ରାକ୍ସ’ ଫୋନ ବ୍ୟବହାର କରନ୍ତି। ଏହି ଫୋନ ସାଧାରଣ ସ୍ମାର୍ଟଫୋନ ଭଳି ନୁହେଁ ବରଂ ସରକାରୀ କମ୍ୟୁନିକେସନ ନିମନ୍ତେ ଏହାକୁ ଖାସ ତିଆରି କରାଯାଇଥିବା ଏକ ହାଇ ସିକ୍ୟୁରିଟି ଡିଭାଇସ। ଏହି ଫୋନକୁ ସେଣ୍ଟର ଫର ଡେଭଲପମେଣ୍ଟ ଅଫ ଟେଲିମ୍ୟାଟିକ୍ସ (ସି-ଡଟ) ଦ୍ୱାରା ଡିଜାଇନ କରାଯାଇଛି। ଏହି ସରକାରୀ ସଂସ୍ଥା ଭାରତ ପାଇଁ ସୁରକ୍ଷିତ ଓ ଆଡଭାନ୍ସଡ କମ୍ୟୁନିକେସନ ସିଷ୍ଟମ ତିଆରି କରେ। କୁହାଯାଏ ଆରଏଏକ୍ସ ଫୋନ ସମ୍ପୂର୍ଣ୍ଣ ଭାରତୀୟ ଟେକ୍ନୋଲଜିରେ ତିଆରି ଓ ଏହାକୁ ଟପ ଲେବୁଲ ସିକ୍ୟୋର କମ୍ୟୁନିକେସନ ନିମନ୍ତେ ଡେଭଲପ କରାଯାଇଛି।

ପ୍ରଧାନମନ୍ତ୍ରୀଙ୍କ ଆରଏଏକ୍ସ ଫୋନର ଉଦ୍ଦେଶ୍ୟ ହେଉଛି କଲ ଓ ଡାଟାକୁ ସମ୍ପୂର୍ଣ୍ଣ ସୁରକ୍ଷିତ ରଖିବା, ଯାହାକୁ କୌଣସି ପ୍ରକାର ଇଣ୍ଟରସେପ୍ସନ କି ହ୍ୟାକିଂ କରାଯାଇ ପାରିବନି। ଏଥି ପାଇଁ ଫୋନକୁ ଅନେକ ଲେୟରର ସୁରକ୍ଷା ଦିଆଯାଇଛି। ଏହି ଫୋନ ସାଧାରଣ ନେଟୱାର୍କରେ ଚାଲେନି ବରଂ ମିଲେଟ୍ରି ଫ୍ରିକ୍ୱେନ୍ସୀ ବ୍ୟାଣ୍ଡରେ ଅପରେଟ୍ ହୋଇଥାଏ। ଏଣୁ ଏହି ଫୋନକୁ ଇଣ୍ଟରସେପ୍ଟ କରିବା ପ୍ରାୟ ଅସମ୍ଭବ। ଏଥିରେ ୩ ଲେୟରର ଏନକ୍ରିପ୍ସନ ରହିଛି। ଏହା ଏତେ ଜଟିଳ ଯେ ଏହାକୁ ଭାଙ୍ଗିବା ଅସମ୍ଭବ। ଫୋନକୁ କେବଳ ସେହି ବ୍ୟକ୍ତି ବ୍ୟବହାର କରିପାରିବ ଯାହାର ଫିଙ୍ଗରଫ୍ରିଣ୍ଟ ଆଇଡେଣ୍ଟିଟି ସିଷ୍ଟମରେ ରେଜିଷ୍ଟର୍ଡ ଥାଏ।

କଲ କରିବା ସମୟରେ ଫୋନ କଲରର ଲାଇଭ ଫଟୋ ଦେଖାଏ। ଏହା ଦ୍ୱାରା ସ୍ପୁଫିଙ୍ଗ ଅଥବା ଭୁଲ ପରିଚୟର ରିସ୍କ କମ ହୋଇଯାଏ। କ୍ମ୍ୟୁନିକେସନକୁ ହ୍ୟାଣ୍ଡସେଟ୍ ଲେବୁଲରେ ଏନକ୍ରିପ୍ଟ କରାଯାଏ। କଲ ଅଥବା ଡାଟାକୁ ମଝିରେ ଟ୍ୟାପ ଅଥବା ଟ୍ରେସ କରିବା ସମ୍ଭବ ନୁହେଁ। ଏହି ଫୋନର ସୁରକ୍ଷା ଉପରେ ଟପ୍ ସରକାରୀ ଏଜେନ୍ସୀ ନଜର ରଖୁଛନ୍ତି। ଏହି ଏଜେନ୍ସୀମାନଙ୍କ ମନିଟରିଂ ଫୋନକୁ ଆହୁରି ସୁରକ୍ଷିତ କରୁଛି। ରିପୋର୍ଟ ଅନୁସାରେ ଏହି ଫୋନକୁ ‘ରୁଦ୍ର’ ଫୋନ ନାମ ଦିଆଯାଇଛି। ଏହାର ମୂଲ୍ୟ ସାର୍ବଜନିକ କରାଯାଇନି ଓ ଏହା କେବଳ ସରକାରୀ କର୍ମଚାରୀଙ୍କୁ ମିଳେ।