ଭଦ୍ରକ ୧୧।୭: ନକଲି ଜର୍ଦ୍ଦା ବେପାରୀଙ୍କୁ ଭଦ୍ରକ ପୋଲିସର ମାଷ୍ଟରଷ୍ଟ୍ରୋକ । ୫୦ ଲକ୍ଷ ଟଙ୍କାର ନକଲି ଜର୍ଦ୍ଦା ସହ ବିପୁଳ ନକଲି ସାମଗ୍ରୀ ଜବତ ହୋଇଛି । ଦୁଇ ଜଣ ଗିରଫ ହେବା ସହ ଜଣେ ଫେରାର ହୋଇଯାଇଛି ।
ସୂଚନାଯୋଗ୍ୟ ଯେ, ଭଦ୍ରକ ଜିଲ୍ଲା ପୁରୁଣା ବଜାର ପୋଲିସ ଏହି ନକଲି ଜର୍ଦ୍ଦା ଜବତ କରିଛି । ନକଲି ଜର୍ଦ୍ଦା ତିଆରି ନେଇ ଖବର ପାଇବା ପରେ ସିଟି ଡ଼ିଏସପି ଅଂଶୁମାନ ଦ୍ବିବେଦୀଙ୍କ ନେତୃତ୍ୱରେ ୩ଟି ଟିମ୍ ଗଠନ ହୋଇଥିଲା । ଏହି ଟିମ୍ ପୁରୁଣାବଜାର ଅଞ୍ଚଳର ହେଲାସାହି ଠାରେ ଚଢ଼ାଉ କରିଥିଲା । ଏକକାଳୀନ ୩ଟି ସ୍ଥାନରେ ରେଡ଼ ବେଳେ ବିପୁଳ ନକଲି ଜର୍ଦ୍ଦା ଜବତ କରିଛି । ନକଲି ଜର୍ଦ୍ଦା ସହ ବିଭିନ୍ନ କମ୍ପାନୀର ଲୋଗୋ, ମିକ୍ସଚର ମେସିନ, ଖାଲି ପାଉଚ, କେମିକାଲ ମଧ୍ୟ ଜବତ ହୋଇଛି । ଜବତ ନକଲି ଜର୍ଦ୍ଦାର ମୂଲ୍ୟ ୪୫ ଲକ୍ଷରୁ ୫୦ ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି । ଏହି ଘଟଣାରେ ଏସକେ ରବାନୀ ଓ ଏସକେ ଖାଲିକ ଗିରଫ ହୋଇଥିବା ବେଳେ ଅନ୍ୟ ଜଣେ ଅଭିଯୁକ୍ତ ମୀର ଇନାମ ଫେରାର ହୋଇଯାଇଥିବା କହିଛି ପୋଲିସ । ତେବେ ନକଲି ଜର୍ଦ୍ଦା ତିଆରି ବିଷୟରେ ଖବର ଥିଲେ ପୋଲିସକୁ ସୂଚନା ଦେବା ପାଇଁ ପୋଲିସ ଅନୁରୋଧ କରିଛି ।
You Can Read:
