ଭଦ୍ରକ ୨୯।୯: ଭଦ୍ରକ ହିଂସାକାଣ୍ଡ ଘଟଣାରେ ପୋଲିସ ଧାମନଗର ଓ ଭଦ୍ରକ ଜିଲ୍ଲା ପୁରୁଣାବଜାର ଥାନା ଅଞ୍ଚଳରୁ ମୋଟ୍ ୧୫ ଜଣଙ୍କୁ ଗିରଫ କରିଛି ପୋଲିସ । ଧାମନଗର ଥାନା ପକ୍ଷରୁ ୭ ଓ ପୁରୁଣାବଜାର ଥାନା ପକ୍ଷରୁ ୮ ଜଣଙ୍କୁ ଗିରଫ କରାଯାଇଛି । ପୂର୍ବରୁ ୪୮ ଘଣ୍ଟା ପାଇଁ ଇଣ୍ଟରନେଟ୍ରେ କଟକଣା ଥିବା ବେଳେ ଏହି ଇଣ୍ଟରନେଟ୍ ସେବାକୁ ଆହୁରି ୪୮ ଘଣ୍ଟା ପାଇଁ ବନ୍ଦ କରାଯାଇଛି । ଜରୁରୀକାଳୀନ ସେବା ପାଇଁ କେବଳ ଲିଜ ଲାଇନରେ ଇଣ୍ଟରନେଟ୍ ସେବା ସକାଳ ୭ଟାରୁ୍ ଜାରି ରହିବ । ଜିଲ୍ଲାର ପୁରୁଣା ବଜାର , ଧାମନଗର nac, ଦୋବଲ୍ ରେ ପୂର୍ବ ଭଳି ବିଏନଏସ ୧୬୩ ଧାରା ଜାରି ରହିବ । ପୁରୁଣାବଜାର ଓ ଦୋବଲ ଅଞ୍ଚଳରେ ଚାପା ଉତ୍ତେଜନା ଲାଗି ରହିଛି । ତେଣୁ ପୁରୁଣାବଜାର, ଧାମନଗର ଓ ଦୋବଲରେ RAF ପକ୍ଷରୁ ଫ୍ଲାଗମାର୍ଚ୍ଚ ହେବା ସହ ନିୟମିତ ପାଟ୍ରୋଲିଂ ଓ ବ୍ଲକିଂ ହେଉଛି । ଧାମନଗରରେ ୬ ପ୍ଲାଟୁନ ଫୋର୍ସ ସହ ୧ କମ୍ପାନୀ RAF ଫୋର୍ସ ମୁତୟନ ଓ ସେହିଭଳି ପୁରୁଣାବଜାର ୧୨ ପ୍ଲାଟୁନ ଫୋର୍ସ ସହ ୧ କମ୍ପାନୀ RAF ଫୋର୍ସ ମୁତୟନ ହୋଇଛନ୍ତି । ଗିରଫଦାରୀ ସଂଖ୍ୟା ଆଗକୁ ଆହୁରି ବଢିବ ବୋଲି କହିଚନ୍ତି ପୂର୍ବାଞ୍ଚଳ ଡିଜିପି । ତେବେ ଧାମନଗର ଅଞ୍ଚଳରେ ଦୋକାନ ବଜାର ବନ୍ଦ ରହୁଥିବା ବେଳେ ପୁରୁଣା ବଜାର ଅଞ୍ଚଳରେ ଅଧିକାଂଶ ସମ୍ବେଦନଶୀଳ ଅଞ୍ଚଳରେ ଦୋକାନ ବଜାର ବନ୍ଦ ରହିଛି ।
You Can Read:
