ସମ୍ବଲପୁର ୬/୧: ୨ ବିଜେପି ନେତାଙ୍କୁ ଗାଡି ଚଢାଇ ହତ୍ୟା ଘଟଣା ସୁପାରି କିଲିଂ । ଅନ୍ୟକାହାକୁ ମାରିବାକୁ ସୁପାରି ନେଇଥିଲା । ଭୁଲ ବଶତଃ ଏମାନଙ୍କୁ ମାରିଛି । ଏମିତି ବୟାନ ଦେଇଛନ୍ତି ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର । ସେ କହିଛନ୍ତି ସିସିଟିଭି ଫୁଟେଜ ଦେଖନ୍ତୁ ହତ୍ୟା କରାଯାଇଥିବା ସ୍ପଷ୍ଟ ଜଣାପଡୁଛି ।
ଅନ୍ୟ କାହାକୁ ମାରିବାକୁ ସୁପାରି ନେଇଥିଲା ଡ୍ରାଇଭର । ଭୁଲରେ ୨ ବିଜେପି ନେତାଙ୍କ ଜୀବନ ଯାଇଛି । କାହାକୁ ମାରିବା ପାଇଁ ସୁପାରି ନେଇଥିଲା,କିଏ ସୁପାରି ଦେଇଥିଲା ତଦନ୍ତ କରୁ ପୋଲିସ । କାହାକୁ କେହି ବିନା କାରଣରେ ମାରେନି । ପଶ୍ଚିମ ଓଡ଼ିଶାରେ ଆସ୍ କାରବାର ଚାଲିଛି । ଆସ୍ ମାଫିଆମାନେ ସବୁ ଜାଗାରେ ସକ୍ରିୟ ଅଛନ୍ତି । ରାଜନୈତିକ ଷଡଯନ୍ତ୍ର ଥିବ ବୋଲି ମୋତେ ଲାଗୁନି ବୋଲି କହିଛନ୍ତି ଜୟନାରାୟଣ ମିଶ୍ର ।
ଶନିବାର ବିଳମ୍ବିତ ରାତିରେ ସମ୍ବଲପୁର-ବରଗଡ ଜାତୀୟ ରାଜପଥ କଣ୍ଟାପାଲି ଓଭରବ୍ରିଜ ନିକଟରେ କାରକୁ ଧକ୍କା ଦେଇଥିଲା ହାଇୱା । ୨ବିଜେପି କର୍ମୀ ଗୋଶାଳା ମଣ୍ଡଳ ସଭାପତି ଦେବେନ୍ଦ୍ର ନାୟକ ଓ ପୂର୍ବତନ ସରପଞ୍ଚ ମୁରଲୀଧର ଛୁରିଆଙ୍କ ମୃତ୍ୟୁ ହୋଇଥିଲା ।
