ବାଲିପାଟଣା ୫।୭: ଆକ୍ଟିଭ୍ ମୋଡରେ ଜୟଦେବ ବିଧାୟକ ନବ କିଶୋର ମଲ୍ଲିକ । ବିଧାୟକ ଶୁକ୍ରବାର ପୂର୍ବାହ୍ନରେ ଅଠାନ୍ତର ଉଚ୍ଚ ପ୍ରାଥମିକ ବିଦ୍ୟାଳୟ ଅଚାନକ ପରିଦର୍ଶନ କରିଛନ୍ତି । ବିଦ୍ୟାଳୟରେ ପହଞ୍ଚି ପିଲାମାନଙ୍କ ସୁବିଧା ଅସୁବିଧା ପଚାରି ବୁଝିଛନ୍ତି । ବିଦ୍ୟାଳୟ ପରିସରରେ ଥିବା ଶୌଚାଳୟ, ପିଇବା ପାଣିର ବ୍ୟବସ୍ଥା, ହାତ ଧୁଆ ପାଣି ବ୍ୟବସ୍ଥା, ପାଠପଢା, ୟୁନିଫର୍ମ, ଶ୍ରେଣୀ ଗୃହର ପରିସ୍ଥିତି ତନଖି କରିଛନ୍ତି । ବିଦ୍ୟାଳୟରେ ଶ୍ରେଣୀ ଗୃହର ଅଭାବ ଯୋଗୁ ଗୋଟିଏ କୋଠରୀରେ ୨ଟି ଶ୍ରେଣୀର ଛାତ୍ରଛାତ୍ରୀ ବସୁଛନ୍ତି । ଏଥିପାଇଁ ପାଠ ପଢାରେ ସମସ୍ୟା ସୃଷ୍ଟି ହେଉଛି । ବିଧାୟକ ଅସନ୍ତୋଷ ବ୍ୟକ୍ତ କରିବା ସହ ଏ ନେଇ ପଦକ୍ଷେପ ନେବାକୁ ପ୍ରତିଶ୍ରୁତି ଦେଇଛନ୍ତି । ପିଲାମାନଙ୍କର ଖେଳ ପଡିଆ ନଥିବାରୁ ଏକ ଖେଳ ପଡିଆ ବ୍ୟବସ୍ଥା କରିବା ପାଇଁ ବିଧାୟକଙ୍କୁ ଛାତ୍ରଛାତ୍ରୀ ନିବେଦନ କରିଛନ୍ତି । ଏହି ପରିଦର୍ଶନରେ ବିଧାୟକଙ୍କ ସହ ବାଲିପାଟଣା ବିଇଓ, ସ୍ଥାନୀୟ ଜନପ୍ରତିନିଧି ଉପସ୍ଥିତ ଥିଲେ ।
You Can Read: