ଯାଜପୁର ୬।୭: ଯାଜପୁର କୁସୁମା ଆଲିସାନ କଟେଜକୁ ନେଇ ଉଠିଥିବା ବିବାଦ ଉପରେ ଯାଜପୁର ଜିଲ୍ଲାପାଳ ନିଖିଲ ପବନ କଲ୍ୟାଣ ନିଜର ସ୍ପଷ୍ଟୀକରଣ ରଖିଛନ୍ତି । କୁସୁମା ମଧ୍ୟରେ ନିର୍ମାଣ ୮ କୋଟି ଟଙ୍କାର ଆଲିସାନ ବଙ୍ଗଳା ସିଏସ୍ଆର୍ ଫଣ୍ଡରେ ଏବଂ ଯାଜପୁର ପୌରପାଳିକା ଜମିରେ ନିର୍ମାଣ ହୋଇଛି । ହେଲେ କେଉଁ ଉଦ୍ଦେଶ୍ୟରେ ନିର୍ମାଣ ହୋଇଛି ତାହାର କୌଣସି ତଥ୍ୟ ନାହିଁ । ଏହା ସ୍ପଷ୍ଟ ହୋଇଛି ଏହା କ୍ରୀଡା ବିଭାଗ ଅଧିନରେ ନାହଁ କି କ୍ରୀଡା ବିଭାଗ ସହ ଏହାର କୌଣସି ସମ୍ପର୍କ ନାହିଁ ।
ପରୋକ୍ଷରେ ଜିଲ୍ଲାପାଳ ପ୍ରତିକ୍ରିୟାରେ କହିଛନ୍ତି, ଏହା ଏକ ବେଆଇନ ଭାବେ ନିର୍ମାଣ ହୋଇଥିବା ବିଳାସପୂର୍ଣ୍ଣ ବଙ୍ଗଳା । ଖୁବଶୀଘ୍ର ଯାଜପୁର ଜିଲ୍ଲା ପ୍ରଶାସନ ଏହାକୁ କୌଣସି ଏକ କାର୍ଯ୍ୟରେ ଲଗାଇବ । ତେବେ ଶୁକ୍ରବାର ପୌର ପ୍ରଶାସନ ପକ୍ଷରୁ ସାମ୍ବାଦିକ ସମ୍ମିଳନୀ ମାଧ୍ୟମରେ କ୍ରୀଡା ବିଭାଗକୁ ଜମି ହସ୍ତାନ୍ତର ସହ ଏ ବଙ୍ଗଳା କ୍ରୀଡା ବିଭାଗକୁ ହସ୍ତାନ୍ତର କରାଯାଇଥିବା କୁହାଯାଇଥିବା ବେଳେ ଜିଲ୍ଲାପାଳ ଏହାକୁ ଖଣ୍ଡନ କରିଛନ୍ତି । ତେବେ ସ୍ଥାନୀୟ ଯାଜପୁର ବାସିନ୍ଦାଙ୍କ କହିବା ଅନୁସାରେ ପୌରପାଳିକା ଉପରେ କାର୍ଯ୍ୟାନୁଷ୍ଠାନ ନିଆଯାଉ । ଆଉ କାହିଁକି ପୌରପାଳିକା ମିଛ କହିଛି ଆଉ ସିଏସଆର ଫଣ୍ଡ ବିନିଯୋଗ କାହା ନିର୍ଦ୍ଦେଶରେ ହୋଇଛି, ଏ ଦୁଇ କମ୍ପାନୀ କାହିଁକି ସିଏସ୍ଆର୍ ଫଣ୍ଡ ବିନିଯୋଗ ଏବଂ ଖର୍ଚ୍ଚ କଲେ ତାହା ଉପରେ ପ୍ରଶ୍ନ ଉଠାଇଛନ୍ତି ।
You Can Read:
ଘର ଉପରେ ମାଡ଼ିଗଲା ଟ୍ରକ୍, ଶୋଇଥିବା ଅବସ୍ଥାରେ ଚାଲିଗଲା ବୃଦ୍ଧାଙ୍କ ଜୀବନ
