ନୀଳଗିରି ୨୨।୬: ତୃତୀୟ ଶ୍ରୀକ୍ଷେତ୍ର ନୀଳଗିରିରେ ଦେବସ୍ନାନ ପୂର୍ଣ୍ଣିମା ରୀତିନୀତିରେ ଅନୁଷ୍ଠିତ ହୋଇଛି । ସକାଳେ ଦ୍ୱାରଫିଟା ନୀତିପୂଜା ସରିବା ପରେ ସେନାପଟା ନୀତିପୂଜା, ମଙ୍ଗଳାର୍ପଣ, ରାଜନୀତି ବନ୍ଦାପନା ନୀତି ସମାପନା ହୋଇଥିଲା । ରାଜା ଜୟନ୍ତ ଚନ୍ଦ୍ର ମର୍ଦରାଜ ହରିଚନ୍ଦନ ରାଜପ୍ରସାଦରୁ ଆସି ପୂଜାର୍ଚ୍ଚନା କରି ତିନି ଠାକୁରଙ୍କୁ ବନ୍ଦାପନା କରିବା ପରେ ଛେରାପହଁରା କରି ଚତୁର୍ଦ୍ଧାମୂର୍ତ୍ତିଙ୍କୁ ସ୍ନାନ ମଣ୍ଡପକୁ ପାଛୋଟି ନେଇଥିଲେ । ଏହାପରେ ମଙ୍ଗଳ ଆଳତୀ, ଅବକାସ ସୂର୍ଯ୍ୟପୂଜା, ରୋଷହୋମ ପରେ ୧୦୮ ସୁବାସିତ ଜଳରେ ମହାସ୍ନାନ କରିଛନ୍ତି ମହାପ୍ରଭୁ । ସକାଳଧୂପ ପୂଜା ପରେ ତିନିଠାକୁର ଗଜାନନ ବେଶରେ ଭକ୍ତଙ୍କୁ ଦର୍ଶନ ଦେଇଛନ୍ତି । ସନ୍ଧ୍ୟାରେ ସାନ୍ଧ୍ୟଆଳତୀ, ଦକ୍ଷିଣ ଆଳତୀ ପରେ ଅଣସର ଘରକୁ ରାତ୍ରରେ ତିନିଠାକୁର ପହଣ୍ଡି ବିଜେ କରିବେ।

You Can Read :

ତୁଳସୀ କ୍ଷେତ୍ରର ଆରାଧ୍ୟ ଦେବତାଙ୍କ ସ୍ନାନଯାତ୍ରା, ଗଜବେଶରେ ଦର୍ଶନ ଦେବେ ବଳଦେବଜୀଉ