ଉମରକୋଟ ୨୪।୦୯ : ପ୍ରେମୀଯୁଗଳଙ୍କ ଆତ୍ମହତ୍ୟା । ନବରଙ୍ଗପୁର ଜିଲ୍ଲା କୁନ୍ଦେଇ ଥାନା ଭୁରଖାମହୁଲି ଗାଁ ନିକଟରେ ଥିବା ପିପୋଲ ଗଛରେ ଝୁଲୁଛି ପ୍ରେମୀ ଯୁଗଳଙ୍କ ମୃତଦେହ । କୁନ୍ଦେଇ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଜାରି ରଖିଛି ।
ଖବର ଅନୁଯାୟୀ, ରାଇଘର ବ୍ଲକ କୁନ୍ଦେଇ ଥାନା ଭୁରଖାମହୁଲି ଗାଁର ନାରାୟଣ ଗଣ୍ଡଙ୍କ ୧୮ ବର୍ଷର ପୁଅ ଏବଂ ଛବିଲାଲ ଗଣ୍ଡଙ୍କ ନାବାଳିକା ଝିଅଙ୍କ ମଧ୍ୟରେ ପ୍ରେମ ସଂପର୍କ ଥିଲା । ଉଭୟ ବିବାହ କରିବାକୁ ଚାହୁଁଥିଲେ, କିନ୍ତୁ ପରିବାର ପକ୍ଷରୁ ବିବାହ ପାଇଁ ସୀକୃତି ଦେଉନଥିଲେ । ଶେଷରେ ଗତ ରବିବାର ଠାରୁ ଦୁହେଁ ଘରୁ କୁଆଡେ ଚାଲିଯାଇଥିଲେ । ଆଉ ଫେରିଲେନି । ଆଉ ଏବେ ଭୁରଖାମହୁଲି ଗାଁ ନିକଟରେ ଥିବା ପିପୋଲ ଗଛରୁ ଉଭୟଙ୍କ ଝୁଲନ୍ତା ମୃତଦେହ ଠାବ ହୋଇଛି । ସ୍ଥାନୀୟ ଲୋକେ ମୃତଦେହ ଦେଖି ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଜାରି ରଖିଛି । ଏହାସହ ପରିବାର ଲୋକ ମଧ୍ୟ ଘଟଣାସ୍ଥଳରେ ପହଞ୍ଚିଛନ୍ତି ।
