ପାଟନା : ଦିଲ୍ଲୀ ଆଇଏଏସ୍ କୋଚିଂ ସେଣ୍ଟର ଦୁର୍ଘଟଣା ଏବେ ସାରା ଦେଶରେ ଚର୍ଚ୍ଚାର ବିଷୟ ପାଲଟିଛି। ଛାତ୍ର ସଙ୍ଗଠନ ସଡକକୁ ଓହ୍ଲାଇ ବିକ୍ଷୋଭ ପ୍ରଦର୍ଶନ କରୁଛନ୍ତି। ଏହି ଘଟଣା ପରେ ପାଟନା ପ୍ରଶାସନର ନିଦ ଭାଙ୍ଗିଛି ଓ ରାଜଧାନୀରେ କୋଚିଂ ସଂସ୍ଥା ମାନଙ୍କ ଯାଞ୍ଚ କରିଛି। ଏଥିରେ ଗାଇଡଲାଇନ ପାଳନ କରୁନଥିବା କୋଚିଂ ସଂସ୍ଥାମାନଙ୍କୁ ପ୍ରଶାସନ ଅଲ୍ଟିମେଟମ ଦେଇଛି। ଏହି କାର୍ଯ୍ୟାନୁଷ୍ଠାନ ପରେ ‘ସୁପର-୩୦’ ସଂସ୍ଥାପକ ଆନନ୍ଦକୁମାର ଆଗାମୀ ୧୦-୧୫ ବର୍ଷ ମଧ୍ୟରେ ଦେଶର ୯୦ ପ୍ରତିଶତ କୋଚିଂ ବନ୍ଦ ହୋଇଯିବ ବୋଲି ଗୁରୁବାର କହିଛନ୍ତି।
#WATCH | Founder of Super 30 educational programme, Anand Kumar says "...From my experience, I can say that coaching will be 90% finished in the next 10-15 years. The number of experiments done in online studies is only 1% so far. 99% of the work for online classes is yet to be… pic.twitter.com/sqDezMTTSB
— ANI (@ANI) August 1, 2024
ସେ ତାଙ୍କ ଅଭିଜ୍ଞତାରୁ କହିଛନ୍ତି ଯେ ଅନଲାଇନ ପାଠପଢାରେ ଏପର୍ଯ୍ୟନ୍ତ ହୋଇଥିବା ପ୍ରୟୋଗ ମାତ୍ର ୧ ପ୍ରତିଶତ। ଅନଲାଇନ ଶ୍ରେଣୀ ନିମନ୍ତେ ଏବେବି ଆହୁରି ୯୯ ପ୍ରତିଶତ କାମ ବାକି ଅଛି। ଯଦି ଶିକ୍ଷକଙ୍କ ଏକ ସମର୍ପିତ ଟିମ୍ ଅନଲାଇନ କ୍ଲାସ୍ ବିକଶିତ କରନ୍ତି, ତେବେ ଛାତ୍ରଙ୍କୁ ଅଫଲାଇନ କ୍ଲାସର ଆବଶ୍ୟକତା ପଡନ୍ତାନି। ଏଣୁ ଆନନ୍ଦ ସରକାରଙ୍କୁ ଅପିଲ କରିଛନ୍ତି ଯେ ଏଥି ପାଇଁ ଏକ ଟିମ୍ ଗଠନ କରନ୍ତୁ ଓ ଅନଲାଇନ ମୋଡରେ ୟୁପିଏସସି କୋଚିଂ ଆରମ୍ଭ କରନ୍ତୁ।
ଦିଲ୍ଲୀ ଓଲ୍ଡ ରାଜେନ୍ଦ୍ର ନଗର କୋଚିଂ ସେଣ୍ଟର ଘଟଣାରେ ଆନନ୍ଦ କୁମାର କହିଛନ୍ତି ଯେ ଛାତ୍ରଙ୍କ ଦାବି ପୂରଣ କରିବା ଜରୁରି। ଏଥି ପାଇଁ ଦାୟି ଲୋକଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ହେବା କଥା। ସେହିପରି କୋଚିଂ ସେଣ୍ଟରଙ୍କୁ ପ୍ରତି ମୃତ ଛାତ୍ରଛାତ୍ରୀଙ୍କ ନିମନ୍ତେ କୋଟିଏ ଟଙ୍କା ଲେଖାଏଁ କ୍ଷତିପୂରଣ ଦେବା ଦରକାର। ରାଜ୍ୟ ସରକାର, କେନ୍ଦ୍ର ସରକାର ଓ ଆଖପାଖର କୋଚିଂ ସେଣ୍ଟରମାନେ ମିଶି ମୃତକଙ୍କ ପରିବାରଙ୍କୁ ଅଧିକରୁ ଅଧିକ କ୍ଷତିପୂରଣ ଦିଅନ୍ତୁ।
