ଭୁବନେଶ୍ବର ୯।୧୧: ଆଗାମୀ ଦିନରେ ୩୦ଟି ଜିଲ୍ଲାରେ ପ୍ରତିଷ୍ଠା ହେବ ମେଡିକାଲ କଲେଜ । ସ୍ବାସ୍ଥ୍ୟସେବା କ୍ଷେତ୍ରରେ ଯେଉଁ ସୁପର ସ୍ପେଶିଆଲିଷ୍ଟ ମାନଙ୍କର ଅଭାବ ରହିଛି ତାହା ଖୁବଶୀଘ୍ର ପୂରଣ ହେବ ବୋଲି ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ କହିଛନ୍ତି । ସ୍ବାସ୍ଥ୍ୟସେବା କ୍ଷେତ୍ରରେ ସମଗ୍ର ଦେଶରେ ଓଡିଶା ହେବ ରୋଲ୍ ମଡେଲ । ସ୍ୱାସ୍ଥ୍ୟସେବା କ୍ଷେତ୍ରରେ ସରକାର ମଧ୍ୟ କାମ କରିବା ଆରମ୍ଭ କରିଛନ୍ତି । ଡାକ୍ତର ଅଭାବ କଥା ଯାହା ଆସୁଥିଲା ତାହା ଆଜି ୧୨ଟି ସରକାରୀ ମେଡିକାଲ କଲେଜର ସ୍ଥିତି ଓ ଆଗାମୀ ଦିନରେ ୩୦ଟି ଜିଲ୍ଲାରେ ମେଡିକାଲ କଲେଜ ପ୍ରତିଷ୍ଠାର ଯୋଜନା ଆରମ୍ଭ କରିଛନ୍ତି ସରକାର । ଓଡ଼ିଶାରେ ଆଉ ଡାକ୍ତର ଅଭାବ ରହିବ ନାହିଁ । ହେଲ୍ଥ କେୟାର ସେକ୍ଟରରେ ଯେଉଁ ଗବେଷଣାର ଆବଶ୍ୟକତା ରହିଛି ଓ ବିଶେଷ କରି ଭଲ ସ୍ବାସ୍ଥ୍ୟ ସେବା କ୍ଷେତ୍ରରେ ଯେଉଁ ସୁପର ସ୍ପେଶିଆଲିଷ୍ଟ ମାନଙ୍କର ଅଭାବ ରହିଛି ତାହା ଉପରେ ମଧ୍ୟ ସରକାର ଗୁରୁତ୍ବ ଦେଉଛନ୍ତି । ୪ ମାସ ଭିତରେ ୧୨୦ ଜଣ ଡାକ୍ତରଙ୍କୁ ସରକାରୀ ଚାକିରି ପ୍ରଦାନ କରାଯାଇଛି । କୌଣସି କମ୍ୟୁନିଟି ହେଲ୍ଥ ସେଣ୍ଟର ମାନଙ୍କରେ ସ୍ପେଶିଆଲିଷ୍ଟ ଡାକ୍ତରଙ୍କ ଅଭାବରେ ରୋଗୀ ଫେରି ନଯାଉ ତାହା ଉପରେ ଗୁରୁତ୍ବ ଦିଆଯାଇଛି । ଏହି ୫ବର୍ଷ ମଧ୍ୟରେ ରାଜ୍ୟରେ ହେଲ୍ଥ ସେଣ୍ଟରର ଆବଶ୍ୟକତାକୁ ନଜରରେ ରଖି ସମଗ୍ର ଦେଶରେ ଓଡିଶା ରୋଲ୍ ମଡେଲ ହେବ । ସେଥିପାଇଁ ଯାହା ଆବଶ୍ୟକ ତାହା ଉପରେ ସରକାର ଗୁରୁତ୍ବ ଦେବେ । ଆମେ ଭାବୁଛୁ ଏଥିରେ ଆମେ ସଫଳ ହେବୁ ।
ସ୍ୱାସ୍ଥ୍ୟକ୍ଷେତ୍ର ଅନେକ ଦିନ ଧରି ଅବହେଳିତ ହୋଇରହିଥିଲା। ଗ୍ରାମାଞ୍ଚଳରେ ଲୋକେ ତ୍ରାହି ତ୍ରାହି ଡାକୁଥିଲେ ବୋଲି ମନ୍ତ୍ରୀ କହିଛନ୍ତି ।
You Can Read:
