ଭୁବନେଶ୍ବର ୧୦/୧: ମଣ୍ଡିରେ ଧାନ ସଂଗ୍ରହ ଠିକ୍ଠାକ୍ ଚାଲିଛି । କିଛି ସ୍ଥାନରେ ଅସୁବିଧା ହେଉଥିବା ଖବର ସାମ୍ନାକୁ ଆସିଛି । ଲୋକଙ୍କୁ କିଛି ନେତା ଉସକାଉଥିବା ପରି ସଂଗୀନ ଅଭିଯୋଗ ଆଣିଛନ୍ତି ଖାଦ୍ୟ ଓ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । ଯେକୌଣସି ଧାନ ଆଣିଲେ ୩୧ଶହ ଟଙ୍କା ଦେବାକୁ ପଡିବ ବୋଲି ଚାଷୀଙ୍କୁ ବିଭ୍ରାନ୍ତି କରାଯାଉଛି । ଚାଷୀଙ୍କୁ FAQ ମାନର ଧାନ ଆଣିବାକୁ ଅନୁରୋଧ କରିଛନ୍ତି ଯୋଗାଣ ମନ୍ତ୍ରୀ ।
କହିଛନ୍ତି ବର୍ଷାରେ ଧାନ ରଙ୍ଗ ପରିବର୍ତ୍ତନ ହେଲେ ବି ଆମେ ନେଇଯିବୁ । କିନ୍ତୁ ବେଶୀ ଖରାପ ହୋଇଥିଲେ ନେଇ ହେବନି । କ୍ଷତି ହୋଇଥିବା ଧାନର କ୍ଷତିପୂରଣ ଦିଆଯାଉଛି । ୧୨ ଘଣ୍ଟା ଭିତରେ ଚାଷୀଙ୍କ ପାଖକୁ ଟଙ୍କା ଯାଉଛି । ୨୩ ଲକ୍ଷ ମେଟ୍ରିକ ଟନ୍ ଧାନ ପାଇଁ ଟଙ୍କା ଦିଆ ସରିଲାଣି ।
ସେହିପରି ଆଳୁ ଦର ବୃଦ୍ଧି ପ୍ରସଙ୍ଗରେ ପ୍ରତିକ୍ରିୟା ରଖି ଯୋଗାଣ ମନ୍ତ୍ରୀ କହିଛନ୍ତି ଆଳୁରେ ଆମେ ସ୍ବୟଂ ସଂପୂର୍ଣ୍ଣ ହେବୁ । ଅପେକ୍ଷା କରନ୍ତୁ । ଦର ନିଶ୍ଚୟ କମିବ । ପଶ୍ଚିମବଙ୍ଗ ଓ ଓଡ଼ିଶା ମଧ୍ୟରେ କିଛି ବିବାଦ ନାହିଁ । ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ତାଙ୍କ ହିସାବରେ ନିୟମ କରୁଛନ୍ତି ଓ ଆମେ ଆମ ହିସାବରେ ନିୟମ କରୁଛୁ ।
