ସମ୍ବଲପୁର୦୩/୧:  ସମ୍ବଲପୁରରେ ସଶସ୍ତ୍ର ଡକାୟତି । ବୁଢାରଜାସ୍ଥିତ ମଣପୁରମ ବ୍ରାଞ୍ଚରେ ବନ୍ଧୁକ ଦେଖାଇ ଲୁଟି ନେଲେ ପାଖାପାଖି ୩୦ କେଜି ସୁନା ଅଳଙ୍କାର ଓ ୪ ଲକ୍ଷରୁ ଅଧିକ ଟଙ୍କା ।  ବାଇକରେ ୬ଜଣ ଆସି ବନ୍ଧୁକ ଦେଖାଇ କର୍ମଚାରୀଙ୍କୁ ବାନ୍ଧି ଡକାୟତି କରିଥିବା ଅଭିଯୋଗ ହୋଇଛି । ସକାଳ ୯ଟା ୪୦ ରୁ ୯ଟା ୪୫ ଭିତରେ ୬ରୁ ୭ଜଣ ମୁଖା  ଓ ହେଲମେଟ ପିନ୍ଧା ଦୁବୃତ୍ତ ଆସି ବ୍ରାଞ୍ଚରେ ପଶିଥିଲେ । ବନ୍ଧୁକ ଦେଖାଇ କର୍ମଚାରୀଙ୍କୁ ବାନ୍ଧି ଦେବା ପରେ ମାଡ ମାରି ଭୟଭୀତ କରିଥିଲେ । ଲକର ପାସଓ୍ବାର୍ଡ ମାଗି ୩୦ କେଜି ସୁନା ଅଳଙ୍କାର, ୪ ଲକ୍ଷରୁ ଅଧିକ ଟଙ୍କା ଲୁଟ କରି ଫେରାର ମାରିଛନ୍ତି।  ସମସ୍ତେ ହିନ୍ଦୀରେ କଥାବାର୍ତ୍ତା କରୁଥିବାବେଳେ ସମସ୍ତଙ୍କ ହାତରେ ବନ୍ଧୁକ ରହିଥିଲା । ସମସ୍ତ ଘଟଣା ସିସିଟିଭିରେ କଏଦ ହୋଇଥିବାବେଳେ ପୋଲିସ ସିସିଟିଭି ତନ୍ନ ତନ୍ନ କରି ଯାଂଚ କରୁଛି ।  ଲୁଟେରା  ଅଇଁଠାପାଲି ଏନଏଚ ପଟକୁ ବାହାରି ଯାଇଥିବା କୁହାଯାଉଛି ।  ସେପଟେ ଘଟଣା ପରେ ପୋଲିସ ଟିମ୍ ଗଠନ କରିବା ସହ ନାକାବନ୍ଦୀ ଆରମ୍ଭ କରିଛି। ଘଟଣା ପରେ ଉତ୍ତରାଂଚଳ ଆଇଜି ଆସି ଘଟଣାର ଛାନଭିନ୍ କରିଛନ୍ତି ।