ବୌଦ୍ଧ ୧୧/୧୧: ୩ ତାରିଖରୁ ନିଖୋଜ ଥିଲେ ମାଆ ପୁଅ । ୭ ଦିନ ପରେ ସୋମବାର ଉଭୟଙ୍କୁ ଉଦ୍ଧାର କରିଛି ପୋଲିସ । ଉଦ୍ଧାର ମହିଳା ବୌଦ୍ଧ ଜିଲ୍ଲା କଣ୍ଟାମାଲ ତହସିଲ ଅଧୀନ ଗୁଡଭେଲିପଦର ଗାଁର ସୋନାଲି ପାଢି ଓ ତାଙ୍କର ୫ ବର୍ଷର ପୁଅ । ଉଭୟଙ୍କୁ ବଲାଙ୍ଗୀର ଜିଲ୍ଲା ସଇଁତଳା ଥାନା ଖର୍ସେଲବାଞ୍ଜି ଗାଁର ଅନନ୍ତ ମିର୍ଦ୍ଧାଙ୍କ ଘରୁ ଉଦ୍ଧାର କରିଛି ମନମୁଣ୍ଡା ପୋଲିସ । ନିଖୋଜ ନେଇ ଥାନାରେ ଅଭିଯୋଗ କରିଥିଲେ ସୋନାଲିଙ୍କ ସ୍ବାମୀ । ତେବେ ସୋନାଲି ଓ ତାଙ୍କ ପୁଅ ଅନନ୍ତଙ୍କ ଘରକୁ କେମିତି ଗଲେ ? ୟା ପଛରେ କାରଣ କଣ ରହିଛି ସେ ନେଇ କିଛି ସ୍ପଷ୍ଟ ସୂଚନା ମିଳିନି । ଉଭୟଙ୍କୁ ଅଟକ ରଖି ପଚରାଉଚରା କରୁଛି ପୋଲିସ ।