କଟକ ୯।୧: ମହାନଦୀ ପଠାରେ ହୋଇପାରିବ ନାହିଁ ପିକ୍ନିକ୍ । ଏପରିକି କୌଣସି ପ୍ରକାରର ଇଭେଣ୍ଟ ଆୟୋଜନ ଉପରେ ମଧ୍ୟ ଲାଗିଲା କଟକଣା । ନଦୀ ପ୍ରଦୂଷଣ ରୋକିବା ଲାଗି ସିଏମସି କର୍ତ୍ତୃପକ୍ଷ ଏଭଳି ନିଷ୍ପତ୍ତି ନେଇଛନ୍ତି । ଗୁରୁବାର ଏନେଇ ସିଏମସି ପକ୍ଷରୁ ବିଧିବଦ୍ଧ ଭାବେ ବିଜ୍ଞପ୍ତି ଜାରି କରାଯାଇଛି ।
ବିଜ୍ଞପ୍ତି ମୁତାବକ ସିଲଭର ସିଟି ବୋଟ୍ କ୍ଲବ୍ ଠାରୁ କଟକ ଇନ୍ କଟକ ଏବଂ ତଳ ବାଲିଯାତ୍ରା ପଡିଆ ଠାରୁ ଚହଟା ଘାଟ ଯାଏଁ, ମହାନଦୀ ପଠାରେ କୌଣସି ଭୋଜି ଭାତ ଆୟୋଜନ ନକରିବାକୁ ସିଏମସି ପ୍ରଶାସନ ନିର୍ଦ୍ଦେଶନାମା ଜାରି କରିଛନ୍ତି ।
ବାସ୍ତବରେ ନଦୀ ପ୍ରଦୂଷଣ ନେଇ ଗୁରୁବାର ହାଇକୋର୍ଟରେ ଶୁଣାଣି ହୋଇଛି । କଟକ ସହର ସମସ୍ୟା ସମ୍ବଧୀୟ ଜନସ୍ୱାର୍ଥ ମାମଲାର ଶୁଣାଣି ସମୟରେ ଏ ପ୍ରସଙ୍ଗ ଉଠିଛି । ତେବେ ଅଦାଲତି ଛାଟ ବାଜିବା ଆଗରୁ ସିଏମସି ପ୍ରଶାସନ ଏଭଳି ନିର୍ଦ୍ଦେଶନାମା ଜାରି କରିଛନ୍ତି । ଯାହା କିପରି କାର୍ଯ୍ୟକାରୀ ହୋଇପାରିବ, ତା ଉପରେ ସିଏମସି କର୍ତ୍ତୃପକ୍ଷ କୌଣସି ପ୍ରତିକ୍ରିୟା ରଖିନାହାନ୍ତି ।
You Can Read:
