ନୀଳଗିରି ୧୮।୮: ବାଲେଶ୍ଵର ଜିଲ୍ଲା ନୀଳଗିରି ଅଞ୍ଚଳରେ କୁଳଡିହାରେ ହାତୀ ଆକ୍ରମଣରେ ଜଣେ ବୃଦ୍ଧ ଗୁରୁତର ହୋଇଛନ୍ତି । କୁଳଡିହା ଅଭୟାରଣ୍ୟ ସୀମାନ୍ତ ବାଲିଆନାଳ ବିଟ୍ ଅଞ୍ଚଳକୁ ଖଡ଼ିଚୁଆ ଅଞ୍ଚଳର ମୁକୁନ୍ଦ ମାଝୀ ଛେଳି ଚରାଇବାକୁ ଯାଇଥିଲେ । ଏକ ଦନ୍ତା ହାତୀ ତାଙ୍କୁ ଅତର୍କିତ ଆକ୍ରମଣ କରିଥିଲା । ଶୁଣ୍ଢରେ ଫିଙ୍ଗି ଗୋଡ଼ ପକାଇ ଦେବାରୁ ସେ ପ୍ରାଣ ବିକଳରେ ଡାକ ପକାଇଥିଲେ । ତାଙ୍କ ଡାକ ଶୁଣି କିଛି ଲୋକ ଦୌଡ଼ି ଯିବାରୁ ଦନ୍ତା ହାତୀଟି ଛାଡି ପଳାଇ ଯାଇଥିଲା । ବନ ବିଭାଗ ଗୁରୁତର ଭାବେ ମୁକୁନ୍ଦକୁ ନୀଳଗିରି ହସ୍ପିଟାଲରେ ଭର୍ତ୍ତି କରିଥିଲେ । ପରେ ତାଙ୍କ ସ୍ବାସ୍ଥ୍ୟାବସ୍ଥା ଠିକ୍ ନହେବାରୁ ବାଲେଶ୍ଵର ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । 

You Can Read:

କାହାସହ କାହାର ମତ ଠିକ୍ ରହୁନି, ପ୍ରକୃତ କଂଗ୍ରେସ କର୍ମୀଙ୍କୁ କାନ୍ଦ ଲାଗୁଛି : ତାରା ବାହିନୀପତି