ଢେଙ୍କାନାଳ ୧୩।୦୭ : ଟ୍ରେନ୍ ଲାଇନ୍ କଡ଼ରେ ପଡିଛି ଅଜଣା ମୃତଦେହ । ପୂର୍ବତଟ ରେଳପଥର ଢେଙ୍କାନାଳ ରେଳ ଷ୍ଟେସନ୍ ଠାରୁ ୧୦ କିମି ଦୂରରେ ପଡିଛି ମୃତଦେହ । ବର୍ତ୍ତମାନ ସୁଦ୍ଧା ମୃତକଙ୍କ ପରିଚୟ ମିଳିପାରିନାହିଁ ।
ଖବର ଅନୁଯାୟୀ, ସୋମବାର ଦିନ ଢେଙ୍କାନାଳ ଜିଲ୍ଲା ରସା ସିଂହ ଗାଁ ନିକଟ ରେଳ ଲାଇନ୍ କଡ଼ରେ ଜଣେ ଯୁବକଙ୍କ ମୃତଦେହ ପଡିଥିବାର ଦେଖିବାକୁ ମିଳିଥିଲା । ଏହାପରେ ତୁରନ୍ତ ଜିଆର୍ପିକୁ ଖବର ଦେଇଥିଲେ ସ୍ଥାନୀୟଲୋକେ । ତେବେ ମୃତ ଯୁବକ ଜଣଙ୍କ କଳା ହାଫ୍ ପ୍ୟାଣ୍ଟ ଏବଂ ଆକାଶୀ ରଙ୍ଗର ଟିସର୍ଟ ପିନ୍ଧିଥିବା ବେଳେ ଦେହରେ କ୍ଷତବିକ୍ଷତ ଚିହ୍ନ ରହିଛି ।ମୃତ ଯୁବକଙ୍କ ଡାହାଣ ହାତରେ ଗଣେଷ ବୋଲି ଟାଟୁ ରହିଥିବା ବେଳେ ସଠିକ୍ ପରିଚୟ ମିଳିପାରିନାହିଁ । ତେବେ କୌଣସି ଯାତ୍ରୀବାହୀ ଟ୍ରେନ୍ରୁ ସେ ଖସି ପଡିଥିବା ସନ୍ଦେହ କରାଯାଉଛି ।
