ନବରଙ୍ଗପୁର ୦୪।୧୨ : ପରିତ୍ୟକ୍ତ ଛାତ ଭୁଶୁଡି ନାବାଳକ ମୃତ । ନବରଙ୍ଗପୁର ଜିଲ୍ଲା ଡାବୁଗାଁ ଥାନା ଅଞ୍ଚଳରେ ଘଟିଛି ଏହି ଅଘଟଣ । ମୃତ ନାବାଳକଙ୍କ ନାମ ହେଉଛି ମହେଶ ଗୌଡ ।
ଖବର ଅନୁଯାୟୀ, ବୁଧବାର ଦିନ ଡାବୁଗାଁ ଅଞ୍ଚଳରେ ଥିବା ଏକ ମୋବାଇଲ୍ ଟାଓ୍ୱାରର ପରିତ୍ୟକ୍ତ ଘରେ ଦୁଇ ଜଣ ନାବାଳକ ଖେଳୁଥିଲେ । ଏହି ସମୟରେ ହଠାତ୍ ପରିତ୍ୟକ୍ତ ଘରର ଛାତ ଭୁଶୁଡି ପଡିଥିଲା । ଯାହାଫଳରେ ଖେଳୁଥିବା ଜଣେ ନାବାଳକଙ୍କର ମୃତ୍ୟୁ ହୋଇଥିବା ବେଳେ ଆଉ ଜଣେ ନାବାଳକ ଗୁରୁତର ହୋଇଛନ୍ତି । ଗୁରୁତର ଅବସ୍ଥାରେ ନାବାଳକଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଥିଲା । ହେଲେ ସ୍ୱାସ୍ଥ୍ୟବସ୍ଥାରେ କୌଣସି ଉନ୍ନତି ନଆସିବାରୁ ଜିଲ୍ଲା ମୁଖ୍ୟ ଚିକିତ୍ସାଳୟରୁ ସ୍ଥାନାନ୍ତରିତ କରାଯାଇଛି ।
