ଇସଲାମାବାଦ: ପାକିସ୍ତାନରେ ବଡ଼ ଧରଣର ଏନକାଉଣ୍ଟର । ଖିଓ୍ବାର ପଖ୍ତୁନଖ୍ବାରେ ସୁରକ୍ଷାକର୍ମୀ ଏବଂ ଆତଙ୍କବାଦୀ ମୁହାଁମୁହିଁ ହୋଇଛନ୍ତି । ଯବାନଙ୍କ ଗୁଳିରେ ୭ଜଣ ଆତଙ୍କବାଦୀ ନିହତ ହୋଇଛନ୍ତି । କିଛି ଆତଙ୍କୀ ଆହତ ହୋଇଥିବା ପାକିସ୍ତାନ ପୋଲିସ ପକ୍ଷରୁ ସୂଚନା ମିଳିଛି ।
ସୂଚନା ଅନୁଯାୟୀ, ଉତ୍ତର ଓ୍ବାଜିରସ୍ତାନ ଜିଲ୍ଲାର ମିରାନ ଶାହ ଏବଂ ସ୍ପିନଓ୍ବାମ୍ ଅଞ୍ଚଳରେ ଏହି ଏନକାଉଣ୍ଟର ହୋଇଛି । ପାକିସ୍ତାନ ଇଣ୍ଟର ସର୍ଭିସ୍ ପବ୍ଲିକ୍ ରିଲେସନ୍ସ ମୁତାବକ, ବୁଧବାର ଦିନ ସୁରକ୍ଷାକର୍ମୀ ଏବଂ ଆତଙ୍କବାଦୀ ମୁହାଁମୁହିଁ ହୋଇଥିଲେ । ମିରାନ ଶାହ ଅଞ୍ଚଳରେ ଯବାନଙ୍କୁ ଦେଖି ଆତଙ୍କବାଦୀମାନେ ଅତର୍କିତ ଗୁଳିମାଡ଼ କରିଥିଲେ । ଏହାର ପାଲଟା ଜବାବ ଦେଇଥିବା ପାକିସ୍ତାନ ସୁରକ୍ଷା ବାହିନୀ । ଏହି ଏନକାଉଣ୍ଟରରେ ୪ଜଣ ଆତଙ୍କୀ ନିହତ ହୋଇଛନ୍ତି । ସେହିପରି ସ୍ପିନଓ୍ବାମ୍ ଅଞ୍ଚଳରେ ମଧ୍ୟରେ ଏନକାଉଣ୍ଟର ହୋଇଛି । ଏଥିରେ ପୋଲିସ ଗୁଳିରେ ୩ ଅତଙ୍କବାଦୀ ଟଳି ପଡ଼ିଥିବା ସୂଚନା ମିଳିଛି । ଗତ କିଛି ଦିନ ହେଲା ଖାଓ୍ବାର ପଖ୍ତୁନଖ୍ବାରେ ବାରମ୍ବାର ଆତଙ୍କବାଦୀ ଆକ୍ରମଣ ହେଉଛି । ଆଫଗାନିସ୍ତାନରେ ତାଲିବାନ ଶାସନ କ୍ଷମତାକୁ ଆସିବା ପରେ ଏଭଳି ଆକ୍ରମଣ ଖବର ସାମ୍ନାକୁ ଆସୁଛି । ...
