କଟକ ୧୬।୬: ଜାତି ବର୍ଣ୍ଣକୁ ଦୂର କରିବା ପାଇଁ ଭାଇଚାରାର ସହର କଟକରେ ରଜ ସଂକ୍ରାନ୍ତିରେ ଆୟୋଜିତ ହୋଇଛି ପଙ୍ଗତ । କଟକ ଶିଖରପୁର ତଳସାହିରେ ଶହ ଶହ ବର୍ଷ ଧରି ଚାଲିଆସିଥିବା ଏହି ପଙ୍ଗତ ପରମ୍ପରା ଭାଇଚାରା ଖେଳାଇବା ସହ ଜାତି, ବର୍ଣ୍ଣ ଓ ବର୍ଗ ମଧ୍ୟରେ ଥିବା ଭେଦଭାବକୁ ଦୂର କରିବା ପାଇଁ ବାଣ୍ଟିଛି ବାର୍ତ୍ତା ।
ହଜାର ବର୍ଷର ଭାଇଚାରାର ସହର କଟକରେ ଦେଖିବାକୁ ମିଳିଛି ଏକ ନିଆରା ପରମ୍ପରା । ରଜ ସଂକ୍ରାନ୍ତି ଦିନ କଟକ ସହରର ଶିଖରପୁରରେ ଥିବା ଜଗନ୍ନାଥ ମଠରେ ପଙ୍ଗତର ଆୟୋଜନ କରାଯାଇଛି । ନିଜ ନିଜ ଭିତରେ ଭାଇଚାରା ସ୍ଥାପନ କରିବା ପାଇଁ ଶତାଧିକ ବର୍ଷ ଧରି ଚାଲି ଆସିଥିବା ଏହି ପରମ୍ପରାକୁ ଏବେ ବି ବଜାୟ ରଖିଛନ୍ତି ସାହି ବାସିନ୍ଦା । ପ୍ରଥମେ ବାଣ ଫୁଟାଇ ତାପରେ ମହାପ୍ରଭୁ ଜଗନ୍ନାଥଙ୍କୁ ସ୍ମରଣ କରି ସମସ୍ତେ ଏକାଠି ହୋଇ ବସି ଯାଆନ୍ତି ସାତ୍ତ୍ୱିକ ଖାଦ୍ୟ ଖାଇବା ପାଇଁ । ଏକାକାର ପତ୍ରରେ ବଢ଼ାଯାଇଥିବା ସାକାର୍ଣ୍ଣ ଭୋଜନକୁ ଜାତିଗୋତ୍ର ନିର୍ବିଶେଷରେ ସମସ୍ତେ ମିଳିମିଶି ଭୋଜନ କରିଥାଆନ୍ତି ।
You Can Read :
କେମିତି ଶୃଙ୍ଖଳିତ ହେବ ଘୋଷଯାତ୍ରା ? ସିଏମ୍ଙ୍କ ଅଧ୍ୟକ୍ଷତାରେ ଗୁରୁତ୍ବପୂର୍ଣ୍ଣ ବୈଠକ