କଟକରେ ବିକ୍ରି ହେଉଥିଲା ଅସଲି ବ୍ରାଣ୍ଡର ନକଲି ଘଣ୍ଟା, ଚଢ଼ାଉ କରି ଜବତ ଲକ୍ଷାଧିକ ଟଙ୍କାର ସାମଗ୍ରୀ ଜବତ କଲା ପୋଲିସ

କଟକ: ଅସଲି ବ୍ରାଣ୍ଡର ନକଲି ଘଣ୍ଟା। କଟକ ସହରରେ ପୁଣି ନକଲି ଘଣ୍ଟା ଗୋଦାମ ଠାବ। ସୋମବାର ସଂଧ୍ୟା ସମୟରେ ଉକ୍ତ ଗୋଦାମରେ ଚଢ଼ାଉ କରିଛି କଟକ ଦରଘା ବଜାର ଥାନା ପୋଲିସ । ଦିଲ୍ଲୀର ଏକ ଘଣ୍ଟା କମ୍ପାନୀର ଅଭିଯୋଗ କ୍ରମେ ଦରଘା ବଜାର ଥାନା ଅଧୀନ ତିନି କୋଣିଆ ବଗିଚା ଅଞ୍ଚଳରେ ଏକ ଘଣ୍ଟା ଗୋଦାମ ଉପରେ ଚଢ଼ାଉ କରିଥିଲା ଥାନା ପୋଲିସ ।

ଚଢ଼ାଉ ବେଳେ ବିଭିନ୍ନ ନାମୀଦାମୀ ବ୍ରାଣ୍ଡର ସହ କିଛି ଆପତ୍ତିଜନକ କାଗଜପତ୍ର ମଧ୍ୟ ଜବତ କରାଯାଇଛି । ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, ଗୋଦାମରେ ଲକ୍ଷାଧିକ ଟଙ୍କାର ବିଭିନ୍ନ ବ୍ରାଣ୍ଡର ଘଣ୍ଟା ରଖାଯାଇ ମାର୍କେଟରେ ବିକ୍ରି କରାଯାଉଥିଲା । ପୋଲିସ ଛାନଭିନ କରିବା ପରେ ବିଭିନ୍ନ ପ୍ରକାରର ଘଣ୍ଟା ଜବତ୍ କରି ଘଟଣାର ଅଧିକ ତଦନ୍ତ ଜାରୀ ରହିଛି ବୋଲି କହିଛନ୍ତି ଜୋନ-୨ ଏସିପି ଗିରିଜା ଶଙ୍କର ଚକ୍ରବର୍ତ୍ତୀ ।