ନୂଆପଡା ୬।୬: କୂଅରୁ ବାହାରୁଛି ପେଟ୍ରୋଲ । ଦିଆସିଲି ମାରିଲେ ପାଣିରେ ଜଳୁଛି ନିଆଁ । ଚିନ୍ତାରେ ଚାରି ପରିବାର । ପାଖରେ ଏକ ପେଟ୍ରୋଲ ପମ୍ପ ରହିଥିବା ବେଳେ ସେଥିରୁ ଲିକେଜ ହେଉଥିବା ଅନୁମାନ ।
ନୂଆପଡା ଜିଲ୍ଲା ସିନାପାଲି ଶ୍ରୀରାମ ଛକରେ ପ୍ରଶାନ୍ତ ନାଏକଙ୍କ ସହ ଚାରି ଭାଇଙ୍କ ଏକମାତ୍ର ସାହାଭରସା ଗୋଟିଏ କୂଅ । ମୋଟର ଯୋଗେ ପାଣି ନେଇ ବ୍ୟବହାର କରୁଥିଲେ । ହେଲେ ହଠାତ ପେଟ୍ରୋଲ ଗନ୍ଧ ଆସିବ ପରେ ବାଲ୍ଟି ଯୋଗେ ପାଣି କାଢିବା ପରେ ସେଥିରେ ପେଟ୍ରୋଲ ଅଂଶ ରହୁଥିବା ଦେଖିଥିଲେ । ଯାହାକୁ ଦିଆସିଲି ମାରିଲେ ମଧ୍ୟ ଜଳୁଛି । ଖବର ପାଇ ସଙ୍ଗେ ସଙ୍ଗେ ସିନାପାଲି ଅଗ୍ନିଶମ ବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଅନୁଧ୍ୟାନ କରିଥିବା ବେଳେ ଅତି ନିକଟରେ ଥିବା ପେଟ୍ରୋଲ ପମ୍ପରୁ ଲିକେଜ୍ ହୋଇ କୂଅରେ ପେଟ୍ରୋଲ ମିଶୁଥିବା ଅନୁମାନ କରିଥିଲେ । କୁଆରୀ ପାଣି ବ୍ୟବହାର ପାଇଁ ମନା କରାଯାଇଥିବା ବେଳେ ପେଟ୍ରୋଲ ପମ୍ପକୁ ମଧ୍ୟ ବନ୍ଦ କରିଦିଆଯାଇଛି । ସମ୍ବଲପୁରରୁ ଏକ ବିଶେଷଜ୍ଞ ଦଳ ପହଞ୍ଚି ସ୍ଥିତି ଅନୁଧ୍ୟାନ କରୁଥିବା ସୂଚନା ରହିଛି । ତେବେ ଏଭଳି ଏକ ସମ୍ବେଦନଶୀଳ ଘଟଣାକୁ ବ୍ଲକ ପ୍ରଶାସନ ହାଲୁକା ଭାବେ ଦେଖିଥିବା ଜଣାପଡିଛି ।
You Can Read :
ଚଳନ୍ତା ଟ୍ରକ୍ର ଫାଟିଲା ଚକ, ଲାଗିଗଲା ନିଆଁ
