ନୂଆଦିଲ୍ଲୀ ୬।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତେଲଙ୍ଗାନା ବିଧାନ ପରିଷଦ (ଏମଏଲସି) ନିର୍ବାଚନରେ ବିଜେପି ପ୍ରାର୍ଥୀଙ୍କ ବିଜୟ ପାଇଁ କାର୍ଯ୍ୟକର୍ତ୍ତାଙ୍କୁ ଧନ୍ୟବାଦ ଜଣାଇଛନ୍ତି। ଏନେଇ ପ୍ରଧାନମନ୍ତ୍ରୀ ଏକ୍ସ ରେ ଏକ ପୋଷ୍ଟ କରିଥିବା ବେଳେ ପାର୍ଟି କାର୍ଯ୍ୟକର୍ତ୍ତାଙ୍କ ନିମନ୍ତେ ସେ ଗର୍ବିତ ବୋଲି ଉଲ୍ଲେଖ କରିଛନ୍ତି। ଏହା ସହିତ ପ୍ରଧାନମନ୍ତ୍ରୀ ତେଲାଙ୍ଗାନା ଲୋକଙ୍କୁ ମଧ୍ୟ ଏମଏଲସି ନିର୍ବାଚନରେ ବିଜେପି ପ୍ରାର୍ଥୀଙ୍କୁ ନିର୍ବାଚିତ କରିଥିବାରୁ ଧନ୍ୟବାଦ ଦେବା ସାଙ୍ଗକୁ ବିଜୟୀ ପ୍ରାର୍ଥୀଙ୍କୁ ଶୁଭେଚ୍ଛା ଜଣାଇଛନ୍ତି।
I thank the people of Telangana for blessing @BJP4Telangana with such phenomenal support in the MLC elections. Congratulations to our newly elected candidates.
— Narendra Modi (@narendramodi) March 6, 2025
I am very proud of our Party Karyakartas who are working among the people with great diligence.@MalkaKomaraiah…
ତେଲଙ୍ଗାନାରେ ଏମଏଲସିର ୩ଟି ଆସନ ନିମନ୍ତେ ନିର୍ବାଚନ ଅନୁଷ୍ଠିତ ହୋଇଥିଲା। ଏଥିରେ ବିଜେପି ଖାତାକୁ ୨ଟି ଆସନ ଆସିଛି। ତେଲଙ୍ଗାନା ଓ ଆନ୍ଧ୍ରପ୍ରଦେଶରେ ଫେବୃଆରୀ ୨୭ ତାରିଖ ଦିନ ଏମଏଲସି ନିର୍ବାଚନ ଅନୁଷ୍ଠିତ ହୋଇଥିଲା। ମାର୍ଚ୍ଚ ୩ ତାରିଖରେ ଭୋଟ ଗଣନା ହୋଇଛି। ଏହି ନିର୍ବାଚନରେ ଶାସକ କଂଗ୍ରେସକୁ ଝଟକା ଲାଗିଛି। ବିଜେପି ଏହି ବିଜୟକୁ କଂଗ୍ରେସ ନିମନ୍ତେ ରମଜାନର ଉପହାର ବୋଲି କହିଛି।
Congratulations to the winning candidates. The NDA Governments at the Centre and in Andhra Pradesh will keep serving the people of the state and take the state’s development journey to new heights. https://t.co/PYDKFgT20A
— Narendra Modi (@narendramodi) March 6, 2025
ପ୍ରଧାନମନ୍ତ୍ରୀ ନିର୍ବାଚନରେ ଏନଡିଏ ପ୍ରାର୍ଥୀଙ୍କ ବିଜୟରେ ମୁଖ୍ୟମନ୍ତ୍ରୀ ଏନ.ଚନ୍ଦ୍ରବାବୁ ନାୟଡୁଙ୍କ ପକ୍ଷରୁ କରାଯାଇଥିବା ଏକ ପୋଷ୍ଚର ଉତ୍ତରରେ ଲେଖିଛନ୍ତି ଯେ ବିଜୟୀ ପ୍ରାର୍ଥୀଙ୍କୁ ଶୁଭେଚ୍ଛା। କେନ୍ଦ୍ର ଓ ଆନ୍ଧ୍ରପ୍ରଦେଶର ଏନଡିଏ ସରକାର ରାଜ୍ୟବାସୀଙ୍କ ସେବା କରିବେ ଓ ରାଜ୍ୟର ବିକାଶକୁ ନୂଆ ଉଚ୍ଚତାକୁ ନେଇଯିବେ। ସେ କହିଛନ୍ତି ଯେ ଏନଡିଏ ପ୍ରାର୍ଥୀ ଏ.ରାଜେନ୍ଦ୍ର ପ୍ରସାଦ ଓ ପି.ରାଜଶେଖରମ ଆନ୍ଧ୍ରପ୍ରଦେଶ ଗ୍ରାଜୁଏଟ୍ ଏମଏଲସି ନିର୍ବାଚନରେ ବିଜୟୀ ହୋଇଛନ୍ତି। ଅନ୍ୟପକ୍ଷରେ ନିର୍ଦ୍ଦଳୀୟ ପ୍ରାର୍ଥୀ ଶିକ୍ଷକ ନିର୍ବଚନମଣ୍ଡଳିରୁ ଏମଏଲସି ନିର୍ବାଚନ ଜିତିଛନ୍ତି।
