ସୁନ୍ଦରଗଡ଼ ୧୯।୦୯ : ଯୁବତୀଙ୍କୁ ଗଣଦୁଷ୍କର୍ମ ଅଭିଯୋଗ । ପୂଜା ଦେଖିବାକୁ ଆସିଥିବା ବେଳେ ଗଣଦୁଷ୍କର୍ମର ଆସିଛି ଅଭିଯୋଗ । ସୁନ୍ଦରଗଡ଼ ଜିଲ୍ଲା କୁତ୍ରା ଥାନା ଅଞ୍ଚଳରେ ଘଟିଛି ଏହି ଅଘଟଣ । କୁତ୍ରା ଥାନାରେ ପୀଡ଼ିତାଙ୍କ ଅଭିଯୋଗ ପରେ ପୋଲିସ ୩ ଜଣଙ୍କୁ ଅଟକ ରଖିଛି ତଦନ୍ତ ଚଳାଇଛି।
ଖବର ଅନୁଯାୟୀ, କୁତ୍ରା ଥାନା ଅଞ୍ଚଳର ଜଣେ ଯୁବତୀ ୧୬ ତାରିଖ ରାତିରେ କରମା ପୂଜା ଦେଖିବାକୁ ଆସିଥିଲେ ଯୁବତୀ। ଏହି ସମୟରେ ୩ ଜଣ ଯୁବକ ତାଙ୍କୁ ଗଣଦୁଷ୍କର୍ମ କରିଥିଲେ। ଏନେଇ ୧୭ ତାରିଖ ଦିନ ପୀଡ଼ିତା ଜଣଙ୍କ କୁତ୍ରା ଥାନାରେ ଅଭିଯୋଗ କରିଥିଲେ। କୁତ୍ରା ଥାନା ପୋଲିସ ଅଭିଯୋଗ ପରେ ମାମଲା ରୁଜ କରି ତଦନ୍ତ ଜାରି ରଖିଛି। ଆଉ ଘଟଣାରେ ୩ ଅଭିଯୁକ୍ତ ବୀରମିତ୍ରପୁର ଥାନା ଅଞ୍ଚଳର ହୋଇଥିବା ବେଳେ ସେମାନଙ୍କ ମଧ୍ୟରେ ୨ ନାବାଳକ ଅଛନ୍ତି। ପୋଲିସ ୩ ଜଣଙ୍କୁ ଅଟକ ରଖି ପଚରାଉଚୁରା କରୁଛି। ଏସଡିପିଓ ଅଭିଷେକ ପାଣିଗ୍ରାହୀ ଏନେଇ ସୂଚନା ଦେଇଛନ୍ତି।
