କେନ୍ଦୁଝର ୪।୧: ୪୯ ନମ୍ବର ଜାତୀୟ ରାଜପଥରେ ଦୁର୍ଘଟଣା । ଅଜଣା ବସ୍ ଧକ୍କାରେ ଓଲଟିଲା ନାଇଟ୍ ପାଟ୍ରୋଲିଂ ପୋଲିସ ଭ୍ୟାନ୍ । ଅଳ୍ପକେ ବର୍ତ୍ତିଲେ ୬ ଜଣ ପୋଲିସ କର୍ମଚାରୀ ।
ସୂଚନାଯଗ୍ୟ ଯେ, କେନ୍ଦୁଝର ଜିଲ୍ଲା ସଦର ଥାନା ୪୯ ନମ୍ବର ଜାତୀୟ ରାଜପଥ ପୁତୁଲୁ ପାଣି ଛକ ନିକଟରେ ନାଇଟ୍ ପାଟ୍ରୋଲିଂ କରୁଥିବା ପୋଲିସ ଗାଡ଼ିକୁ ପଛରୁ ଧକ୍କା ଦେଇଥିଲା ଏକ ଅଜଣା ବସ୍ । ଦ୍ରୁତ ଗତିରେ ଆସୁଥିବା ଏହି ବସ୍ ଧକ୍କାରେ ଭାରସାମ୍ୟ ହରାଇ ପୋଲିସ ଗାଡ଼ିଟି ଅନ୍ୟ ଏକ ଟ୍ରକ୍ ସହ ଧକ୍କା ହୋଇ ଓଲଟି ପଡ଼ିଥିଲା । ଏକ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇଥିଲେ ଗାଡି ଭିତରେ ବସିଥିବା ୬ ଜଣ ପୋଲିସ କର୍ମଚାରୀ ।
ଶୁକ୍ରବାର ବିଳମ୍ବିତ ରାତିରେ ଘଟିଥିବା ଏହି ଘଟଣାରେ ପୋଲିସ ଗାଡିକୁ ଧକ୍କା ଦେଇ ନାଇଟ୍ ବସ୍ଟି ଫେରାର ହୋଇଯାଇଥିବା ସୂଚନା ଦେଇଛନ୍ତି ଟାଉନ୍ ଥାନା ଅଧିକାରୀ । ଧକ୍କା ଦେଇଥିବା ସେହି ଗାଡ଼ିକୁ ଠାବ କରିବାକୁ ପୋଲିସ ପକ୍ଷରୁ ଉଦ୍ୟମ ହେଉଥିବା ସୂଚନା ମିଳିଛି ।
You Can Read:
ଶୌଚ ହେବାକୁ ଯାଇଥିଲେ, ହାତୀ ଆକ୍ରମଣରେ ଚାଲିଗଲା ଜୀବନ
