ଭଦ୍ରକ ୦୫।୧୨ : ଆକ୍ସନରେ ଭଦ୍ରକ ପୋଲିସ । ଚୋରା କୋଇଲା ପରେ ଏବେ ଟାର୍ଗେଟରେ ଚୋରା ଗୋରୁ ଚାଲାଣକାରୀ । କାର୍ରେ ଗୋରୁ ଚାଲାଣ ବେଳେ ମାଡିବସିଲା ପୋଲିସ । ଦୁଇ ଜଣଙ୍କୁ ଗିରଫ କରି ଜେରା କରୁଛି ପୋଲିସ ।
ଖବର ଅନୁଯାୟୀ, ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା ଅଧିନ କାଉପୁର ଅଞ୍ଚଳରୁ ଚୋରାରେ ଗୋରୁ ଚାଲାଣ ହେଉଥିଲା । ଏ ସଂପର୍କରେ ଖବର ପାଇଥିଲା ପୋଲିସ । ଭଦ୍ରକ ସହରାଞ୍ଚଳ ଥାନା ଅଧିକାରୀ ଏକ ଟିମ୍ ନେଇ ଅଧାରାସ୍ତାରେ ଜଗିରହିଥିଲେ । ଏହି ସମୟରେ ଆସୁଥିବା ଏକ କାର୍କୁ ଅଟକାଇଥିଲେ । ପରେ ଯାଞ୍ଚ ସମୟରେ କାର୍ରୁ ୯ଟି ଗୋରୁ ଥିବା ଜଣାପଡିଥିଲା ।ଏହିସହିତ ଏହି ଚୋରା କାରବାରରେ ସାମିଲ ଥିବା ଦୁଇ ଜଣଙ୍କୁ ଗିରଫ ମଧ୍ୟ କରିଛି । ସେମାନଙ୍କୁ ଅଟକ ରଖି ଜେରା କରୁଛି ପୋଲିସ । ଏହି ଘଟଣାରେ ଆଉ କିଏ କିଏ ସାମିଲ ଅଛନ୍ତି । ସେନେଇ ମଧ୍ୟ ଛାନ୍ଭିନ୍ ଜାରି ରଖିଛି ପୋଲିସ ।
