ଲଣ୍ଡନ ୧୦।୩: ‘ହ୍ୟାରି ପୋର୍ଟର’ ଫ୍ୟାନସଙ୍କ ପାଇଁ ଏକ ଦୁଃଖଦ ଖବର। ଏହି ସିରିଜର ଲୋକପ୍ରୀୟ ଭୂମିକାରେ ଅଭିନୟ କରିଥିବା ଅଭିନେତା ସାଇମନ ଫିସର ବେକରଙ୍କ ପରଲୋକ ହୋଇଛି। ୬୩ ବର୍ଷ ବୟସରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ଅଭିନେତାଙ୍କ ମୃତ୍ୟୁ ନେଇ ତାଙ୍କ ମ୍ୟାନେଜର ସୂଚନା ଦେଇଛନ୍ତି। ଅଭିନେତାଙ୍କ ମୃତ୍ୟୁରେ ତାଙ୍କ ଫ୍ୟାନସ ବି ନିରାଶ ହୋଇଛନ୍ତି। ହ୍ୟାରିପୋର୍ଟର ବ୍ୟତୀତ ସାଇମନ ଫିସର ବେକର ‘ଡକ୍ଟର ହୁ’ ଲାଗି ମଧ୍ୟ ବେଶ୍ ଲୋକପ୍ରିୟ ଥିଲେ।
ଡକ୍ଟର ହୁ ଏକ ଲୋକପ୍ରିୟ ବ୍ରିଟିଶ ସାଇନ୍ସ ଫିକ୍ସନ ଟେଲିଭିଜନ ସିରିୟଲ। କୁହାଯାଉଛି ସାଇମନ ଫିସର ବେକରଙ୍କ ମୃତ୍ୟୁ ୯ ମାର୍ଚ୍ଚ ୨୦୨୫ର ହୋଇଛି। ଏବେ ଏହି ଖବରକୁ ପୁଷ୍ଟି କରି ତାଙ୍କ ଏଜେଣ୍ଟ ଜାଫରୀ ମ୍ୟାନେଜମେଣ୍ଟର କିମ ବେରୀ ଏକ ବୟାନରେ ଏହି ଦୁଃଖଦ ଖବର ପୁଷ୍ଟି କରିଛନ୍ତି। ସେ କହିଛନ୍ତି ଆଜି ଆମେ ସାଇମନ ଫିସର ବେକର ନାମରେ ଜଣେ କ୍ଲାଏଣ୍ଟଙ୍କୁ ହରାଇଲୁ ବରଂ ୧୫ ବର୍ଷ ପୁରୁଣା ଜଣେ ନିକଟତମ ବନ୍ଧୁଙ୍କୁ ହରାଇଛୁ।
ଉଲ୍ଲେଖଯୋଗ୍ୟ ଯେ ସାଇମନ ଫିସର ବେକର ଜଣେ ବ୍ରିଟିଶ ଅଭିନେତା ଥିଲେ। ୨୫ ନଭେମ୍ବର ୧୯୬୧ରେ ତାଙ୍କର ଜନ୍ମ ହୋଇଥିଲା। ସେ ଅନେକ ଲୋକପ୍ରିୟ ଟେଲିଭିଜନ ସିରିୟଲରେ ଅଭିନୟ କରିଛନ୍ତି। ତାଙ୍କୁ ବିଶେଷ କରି ତାଙ୍କର ହାସ୍ୟାଭିନୟ ପାଇଁ ଦର୍ଶକେ ପସନ୍ଦ କରୁଥିଲେ। ବିବିସି ସିରିୟଲ ‘ପପି ଲଭ’ରେ ଟୋନି ଫାଜାକେର୍ଲି ଭୂମିକାରେ ତାଙ୍କୁ ଖୁବ୍ ପସନ୍ଦ କରାଯାଇଥିଲା। ଫିଲ୍ମ ‘ହ୍ୟାରି ପୋର୍ଟର ଆଣ୍ଡ ଦି ଫିଲୋସଫର ଷ୍ଟୋନ’ରେ ଦି ଫ୍ୟାଟ ଫ୍ରାୟର ଭୂମିକାରେ ସେ ପ୍ରଶିଦ୍ଧ ହୋଇଯାଇଥିଲେ।
