ନୂଆଦିଲ୍ଲୀ ୫।୧୨: ଅଲ୍ଲୁ ଅର୍ଜୁନ ଷ୍ଟାରର ‘ପୁଷ୍ପା-୨: ଦି ରୁଲ’ ଡିସେମ୍ବର ୫ ଗୁରୁବାର ଦେଶରେ ରିଲିଜ୍ ହୋଇଛି। ଏହି ଫିଲ୍ମକୁ ସୁକୁମାର ନିର୍ଦ୍ଦେଶନା ଦେଇଛନ୍ତି ଓ ଏଥିରେ ରଶ୍ମିକା ମନ୍ଦାନା ଓ ଫହଦ ଫାସିଲ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି। ‘ପୁଷ୍ପା: ଦି ରାଇଜ’ ମୁକ୍ତିଲାଭ କରିବାର ପାଖାପାଖି ୩ ବର୍ଷ ପରେ ଅଲ୍ଲୁ ଅର୍ଜୁନଙ୍କ ପୁଷ୍ପା-୨ ଦେଖିବା ପାଇଁ ଦେଶର ଥିଏଟରମାନଙ୍କରେ ଭିଡ ଲାଗିଛି। ଏଣୁ ଫିଲ୍ମର ଦମଦାର ଆଡଭାନ୍ସ ବୁକିଂ ମଧ୍ୟ ହୋଇଛି।
ପୁଷ୍ପା-୨ ଫିଲ୍ମ ହଲରେ ହିଟ୍ ହେବାର ମାତ୍ର କିଛି ଘଣ୍ଟା ହୋଇଛି , ହେଲେ ଫିଲ୍ମକୁ ନେଇ ଆଶ୍ଚର୍ଯ୍ୟଜନକ ଖବର ଆସୁଛି। ଉଲ୍ଲେଖଯୋଗ୍ୟ ଯେ ଏହି ଫିଲ୍ମ ପାଇରେସି ସାଇଟ ମାନଙ୍କରେ ଅନଲାଇନ ଲିକ୍ ହୋଇଯାଇଛି। ପୁଷ୍ପା-୨ର କ୍ରେଜ ଏବେ ଫ୍ୟାନସଙ୍କୁ ପାଗଳ କରିଛି । ଫିଲ୍ମ ୱାର୍ଲଡୱାଇଡ ୨୫୦ କୋଟି ଟଙ୍କାରୁ ଅଧିକ ଓପନିଂ କରିବ ବୋଲି ଟାର୍ଗେଟ୍ ରଖିଛି। ତେବେ ଏହା ପୂର୍ବରୁ ଫିଲ୍ମ ମେକର୍ସଙ୍କୁ ବଡ଼ ଝଟକା ଲାଗିଛି। ଏହି ଫିଲ୍ମ ଫୁଲ ଏଚଡି ପ୍ରିଣ୍ଟରେ ଅନଲାଇନ ଲିକ୍ ହୋଇଯାଇଛି।
ରିପୋର୍ଟ ଅନୁସାରେ ଅଲ୍ଲୁ ଅର୍ଜୁନଙ୍କ ‘ପୁଷ୍ପା-୨: ଦି ରୁଲ’ ଏବେ ଇବୋମ୍ମା, ମୁଭିରୁଲସ୍, ତାମିଲ ରକର୍ସ, ଫିଲ୍ମ ଜିଲ୍ଲା, ତାମିଲୟୋଗୀ, ତାମିଲ ବ୍ଲାଷ୍ଟର୍ସ, ବଲିଫୋରୟୁ ଭଳି ପାଇରସୀ ପ୍ଲାଟଫର୍ମରେ ମାଗଣା ଡାଉନଲୋଡ ନିମନ୍ତେ ମିଳୁଛି। ଏହାକୁ ୧୦୮୦ପି, ୭୨୦ପି, ୪୮୦ପି, ୩୬୦ପି, ୨୪୦ପି ଏଚଡିରେ ଲୋକେ ଡାଉନଲୋଡ କରି ବେଶ୍ ମଉଜରେ ଦେଖୁଛନ୍ତି। ଏହି ଫିଲ୍ମକୁ ଲୋକେ ‘ପୁଷ୍ପା ଦ ରୁଲ’ ମୁଭି ଡାଉନଲୋଡ, ‘ପୁଷ୍ପା ଦ ରୁଲ’ ମୁଭି ଏଚଡି ଡାଉନଲୋଡ, ପୁଷ୍ପା ଦ ରୁଲ ତାମିଲ ରକର୍ସ ଏଚଡି ଡାଉନଲୋଡ ସର୍ଚ୍ଚ ସହିତ ନିଶୁଳ୍କ ଡାଉନଲୋଡ କରି ହେଉଛି।
ସୁକୁମାର ଦ୍ୱାରା ନିର୍ଦ୍ଦେଶିତ ଏହି ଫିଲ୍ମ ୨୦୨୧ରେ ମୁକ୍ତିଲାଭ କରିଥିବା ବ୍ଲକବଷ୍ଟର ଫିଲ୍ମ ପୁଷ୍ପା ଦି ରାଇଜର ସିକ୍ୱେଲ। ପୁଷ୍ପା ଲାଗି ଅଲ୍ଲୁ ଅର୍ଜୁନ ବେଷ୍ଟ ଆକ୍ଟରର ଜାତୀୟ ପୁରସ୍କାର ମଧ୍ୟ ନିଜ ନାମରେ କରିଥିଲେ। ମାଇଥ୍ରୀ ମୁଭି ମେକର୍ସ ଓ ମୁତ୍ତମ ସେଟ୍ଟୀ ମିଡିଆ ଦ୍ୱାରା ପ୍ରଡ୍ୟୁସର ପୁଷ୍ପ-୨ରେ ଅଲ୍ଲୁ ଅର୍ଜୁନ ପୁଷ୍ପା ରାଜ, ରସ୍ମିକା ମନ୍ଦାନା ଶ୍ରୀବଲ୍ଲୀ ଓ ଫହଦ ଫାସିଲ ଭମ୍ବର ସିଂହ ଶେଖାବତର ନିଜ ଭୂମିକାରେ କମ ବ୍ୟାକ୍ କରିଛନ୍ତି।
