ଭୁବନେଶ୍ୱର ୦୯।୧୨: ବର୍ଷା ପରେ ପାଗରେ ଆସିବ ପରିବର୍ତ୍ତନ । ବୁଧବାରଠାରୁ ରାତି ତାପମାତ୍ରା ୨ରୁ ୪ ଡିଗ୍ରୀ ସେଲସିୟସ୍ କମିପାରେ । ଏବେ ଅଧିକାଂଶ ସ୍ଥାନରେ ରାତି ତାପମାତ୍ରା ୧୫ଡିଗ୍ରୀରୁ ଅଧିକ ରହୁଥିବା ବେଳେ ଦୁଇ ଦିନ ପରେ ପାରଦ ଖସିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି ।
ସେହିପରି ସୋମବାର ସୁନ୍ଦରଗଡ଼, ଝାରସୁଗୁଡ଼ା, କେନ୍ଦୁଝର, ମୟୂରଭଞ୍ଜ, ସମ୍ବଲପୁର, ଦେବଗଡ଼, ଅନୁଗୁଳ, ଢେଙ୍କାନାଳ, ନୟାଗଡ଼, କଟକ ଓ ଖୋର୍ଦ୍ଧାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ସମ୍ଭାବନା ଅଛି । ମଙ୍ଗଳବାର କୋରାପୁଟର ରାତି ତାପମାତ୍ରା ସର୍ବନିମ୍ନ ୧୩.୪ ଡିଗ୍ରୀ ରେକର୍ଡ ହୋଇଛି । ରାଉରକେଲାରେ ୧୩.୮, ଝାରସୁଗୁଡ଼ା ଓ ବୌଦ୍ଧରେ ୧୫.୫, କେନ୍ଦ୍ରାପଡ଼ାରେ ୧୫.୬, ବାରିପଦାରେ ୧୫.୮, ଭଦ୍ରକରେ ୧୬, ଯାଜପୁରରେ ୧୬.୩, ଢେଙ୍କାନାଳରେ ୧୬.୪, କେନ୍ଦୁଝର ଓ ବାଲେଶ୍ୱରରେ ତାପମାତ୍ରା ୧୬.୫ ଡିଗ୍ରୀ ରହିଥିଲା। ଗତ ୨୪ ଘଣ୍ଟାରେ କୋରାପୁଟ ଜିଲ୍ଲା କୋଟପାଡ଼ରେ ୧୯ ମିମି ଓ ରାୟଗଡ଼ାର କାଶୀପୁରରେ ୮ମିମି ବର୍ଷା ହୋଇଛି।
