ନୂଆପଡ଼ାରେ ପରାଜୟକୁ ନେଇ ବରିଷ୍ଠ ନେତା ଭୂପିନ୍ଦର ସିଂହଙ୍କ ବଡ଼ ବୟାନ, କହିଲେ- ଆମର ପ୍ରାର୍ଥୀ ଚୟନରେ ଭୁଲ୍ ରହିଲା

ଭୁବନେଶ୍ବର ୨୦।୧୧: ନୂଆପଡ଼ାରେ ପରାଜୟକୁ ନେଇ ବରିଷ୍ଠ ନେତା ଭୂପିନ୍ଦର ସିଂହଙ୍କ ବଡ଼ ବୟାନ । ସେ କହିଛନ୍ତି, ଆମର ପ୍ରାର୍ଥୀ ଚୟନରେ ଭୁଲ୍ ରହିଲା । ସ୍ଵର୍ଗତଃ ରାଜୁ ଢୋଲକିଆଙ୍କ ସହାନୁଭୂତି ଗଲା ବିଜେପି ପ୍ରାର୍ଥୀକୁ । କଂଗ୍ରେସ ଦଳ ବହୁ ଆଗରୁ ଘାସିରାମ ମାଝୀଙ୍କ ନାଁ ଘୋଷଣା କରିଦେଲା । କିନ୍ତୁ ଆମ ଦଳ କାହିଁକି ଶୀଘ୍ର ଜୟ ଢୋଲକିଆଙ୍କ ନାଁକୁ ପ୍ରାର୍ଥୀ ଭାବେ ଘୋଷଣା କଲାନାହିଁ । ସେଥିପାଇଁ ତାଙ୍କ ପରିବାରକୁ ବିଶ୍ବାସ ଆସିଲାନି ଯେ ବିଜେଡ଼ି ତାଙ୍କୁ ଟିକେଟ୍ ଦେବ ବୋଲି । ଆଉ ସେ ବିଜେପିକୁ ପଳାଇଲେ ।

ସେ ଆହୁରି କହିଛନ୍ତି, ନୂଆପଡ଼ା ଉପନିର୍ବାଚନ ପ୍ରଚାରରେ ମୋତେ କୌଣସି ଦାୟିତ୍ଵ ଦିଆଯାଇ ନଥିଲା । କଳାହାଣ୍ଡି ସଂସଦୀୟ କ୍ଷେତ୍ରରେ ପ୍ରତି ପଞ୍ଚାୟତରେ ଲୋକଙ୍କୁ ପଚାରନ୍ତୁ ଯେ ସେମାନଙ୍କ ଦୁଃଖ ଯେ ସେମାନେ ମୋତେ ସାଂସଦ ପାଇଁ ଭୋଟ୍ ଦେଇ ପାରିଲେନି । ଯେଉଁ ୮୦ ନେତାଙ୍କୁ ଦାୟିତ୍ଵ ଦେଇଥିଲା ବିଜେଡ଼ି ସେଥିରେ ମୋର ନାଁ ନରହିବା ତାର କାରଣ କ’ଣ ଦଳକୁ ଆପଣ ମାନେ ପଚାରନ୍ତୁ ବୋଲି ଭୂପିନ୍ଦର କହିଛନ୍ତି ।

ନୂଆପଡ଼ାରେ ପ୍ରଚାର ହୋଇଗଲା ଯେ, ବିଜେଡ଼ି ଚାହୁଁଛି ବିଜେପି ଜିତୁ ବୋଲି । କାହିଁକି ନୂଆପଡ଼ାରେ ଏ ପ୍ରଚାର ହେଲା ମୁଁ ଜାଣିନାହିଁ । ଦଳର ସମ୍ମାନ ଓ ମର୍ଯ୍ୟାଦା ସରିଗଲା । ନବୀନ ବାବୁଙ୍କ ବଡ଼ ରାଲି ବି କାମ ଦେଲାନି । ୟାକୁ ଯଦି କହିବେ ଭୂପିନ୍ଦର ଦଳ ବିରୋଧରେ କହୁଛି, ତାର ମାନେ କ’ଣ ବୋଲି ସେ ପ୍ରଶ୍ନ କରିଛନ୍ତି ।

ଲମ୍ବୋଦର ନିଆଲ କେବେ ଚାହୁଁ ନଥିଲେ ଏମ୍ପିରେ ଲଢିବାକୁ । ସେ ବିଧାୟକ ପାଇଁ ଲଢିବାକୁ ଚାହୁଁଥିଲେ । ୨୦୨୪ କଳାହାଣ୍ଡି ଏମ୍ପି ଟିକେଟ୍ ଲମ୍ବୋଦରଙ୍କୁ ଦେବା ଦିନଠୁ ଜଣାପଡୁଥିଲା ଆମେ ବିଜେପିକୁ ଆସିବାକୁ ଦେଉଛୁ । ମହିଳାଙ୍କୁ ସୁଭଦ୍ରା ଓ ଚାଷୀଙ୍କୁ ବୋନସ୍ କାମ ଦେଲା । ପରାଜୟ ପରେ ବିଜେଡ଼ି ଯନ୍ତ୍ରାଦେଶ କହିଲେ ହେବନି, ପ୍ରମାଣିତ କରିବାକୁ ହେବବୋଲି ଭୂପିନ୍ଦର ପ୍ରଶ୍ନ କରିଛନ୍ତି ।