ନୂଆଦିଲ୍ଲୀ: କର୍ଣ୍ଣାଟକ ବିଜେପି ବିଧାୟକ ଏନ୍ ମୁନିରତ୍ନଙ୍କ ବିରୋଧରେ ଦୁଷ୍କର୍ମ ଅଭିଯୋଗ ଆଣିଥିବା ମହିଳା ଥାନାରେ ସାଂଘାତିକ ଅଭିଯୋଗ କରିଛନ୍ତି। ବିଧାୟକ ତାଙ୍କୁ ବିଧାନସଭା, ବିକାସୌଧରେ ଓ ତାଙ୍କ ସରକାରୀ ଗାଡ଼ି ଭିତରେ ଦୁଷ୍କର୍ମ କରିଥିବା ମହିଳା ଜଣଙ୍କ ଅଭିଯୋଗରେ ଲେଖିଛନ୍ତି। ପୁଲିସ ସୂତ୍ରରୁ ତଥ୍ୟ ନେଇ ରିପୋର୍ଟ ପ୍ରକାଶ କରିଛି ପିଟିଆଇ।
ଆରଆର୍ ନଗର ନିର୍ବାଚନ ମଣ୍ଡଳୀର ବିଧାୟକ ଦୁଷ୍କର୍ମ ଓ ହନି ଟ୍ରାପ୍ ଅଭିଯୋଗରେ ଗିରଫ ହେବା ପରେ ବର୍ତ୍ତମାନ ବିଚାର ବିଭାଗୀୟ ହାଜତରେ ରହିଛନ୍ତି। ବିଧାୟଙ୍କୁ ବର୍ତ୍ତମାନ ଏସଆଇଟି କଷ୍ଟିଡିକୁ ନେଇଛି। ହେଲେ ବିଧାୟକ କିନ୍ତୁ ଅଭିଯୋଗକୁ ସମ୍ପୂର୍ଣ୍ଣ ମିତ୍ୟା ବୋଲି କହିଛନ୍ତି । ଅନ୍ୟପଟେ ଅଭିଯୋଗ ଲାଗିବା ପରେ କଂଗ୍ରେସ ନେତା ଦୁଷ୍କର୍ମ ହୋଇଥିବା ସ୍ଥାନଗୁଡ଼ିକରେ ଶୁଦ୍ଧିକରଣ କରାଇଛନ୍ତି। କଂଗ୍ରେସ ନେତା ମନୋହରଙ୍କ ନେତୃତ୍ୱରେ ଏହି ଶୁଦ୍ଧିକରଣ କାର୍ଯ୍ୟକ୍ରମ ହୋଇଥିଲା। ଘଟଣାରେ ପୁଲିସ ମନୋହରଙ୍କୁ ମଧ୍ୟ ଅଟକ ରଖିଛି।
