ଚଣ୍ଡିଖୋଲ ୨୨।୦୧ : ଯାଜପୁର ଜିଲ୍ଲା ୧୬ ନମ୍ବର ଜାତୀୟ ରାଜପଥ ବଡ଼ଚଣା ନିକଟରେ ଦୁର୍ଘଟଣା । ରାସ୍ତାତଳକୁ ଖସିଲା ବୋଲେରୋ । ଏହି ଦୁର୍ଘଟଣାରେ ପାଞ୍ଚ ଜଣ ଯାତ୍ରୀ ଆହତ ହୋଇଛନ୍ତି । ସମସ୍ତ ଆହତ ଯାତ୍ରୀଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ଖବର ଅନୁଯାୟୀ, ଏକ ବୋଲେରୋ ଗାଡିଟି ଭୁବନେଶ୍ୱରରୁ କେନ୍ଦ୍ରାପଡ଼ା ଅଭିମୁଖେ ଯାଉଥିଲା । ଏହି ସମୟରେ ଏକ ଅଜଣା ଗାଡିଟି ବୋଲେରୋକୁ ପଛପଟୁ ସାଇଟ୍ ମାରିଥିଲା । ଯାହାଫଳରେ ବୋଲେରୋଟି ଜାତୀୟ ରାଜପଥ କଡ଼କୁ ପଶିଯାଇଥିଲା । ଦ୍ରୁତ ଗତିରେ ଯାଉଥିବା ବୋଲେରୋଟି ରାସ୍ତାକଡ଼ରେ ଥିବା ଗଛ ସହିତ ପିଟି ହୋଇଥିଲା । ଆଉ ଗାଡିରେ ଥିବା ପାଞ୍ଚ ଜଣ ଯାତ୍ରୀ ଆହତ ହୋଇଛନ୍ତି । ସେପଟେ ଦୁର୍ଘଟଣା ପରେ ସ୍ଥାନୀୟ ଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ପୋଲିସ ଓ ସ୍ଥାନୀୟ ଲୋକଙ୍କ ସହାୟତାରେ ଆହତଙ୍କୁ ଉଦ୍ଧାର କରି ନିକଟସ୍ଥ ବଡ଼ଚଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ଲାଗି ଭର୍ତ୍ତି କରାଯାଇଛି । ବଡ଼ଚଣା ପୋଲିସ ଦୁର୍ଘଟଣାଗ୍ରସ୍ତ ଗାଡିକୁ ଜବତ କରି ଘଟଣାର ଅଧିକ ତଦନ୍ତ ଜାରି ରଖିଛି ।
ଟ୍ରେନ୍ରୁ ନୌସେନା ଅଫିସର ନିଖୋଜ, ଏଯାଏଁ ମିଳିନି ତାଙ୍କର କୌଣସି ପତ୍ତା
