ବଜେଟ୍ ୨୦୨୬: ପ୍ରତିରକ୍ଷା, ସ୍ୱାସ୍ଥ୍ୟ ଓ ରିୟଲ୍ ଇଷ୍ଟେଟ୍‌ରେ ବଡ଼ ପରିବର୍ତ୍ତନ ଆଶା

ନୂଆଦିଲ୍ଲୀ: ଦେଶର ବଜେଟ୍ ଫେବ୍ରୁଆରୀ ୧ରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ଉପସ୍ଥାପନ କରିବେ । ଏହି ବଜେଟ୍ ଉପରେ ସାଧାରଣ ଲୋକଙ୍କଠାରୁ ଆରମ୍ଭ କରି ଉଦ୍ୟୋଗ ଜଗତର ନଜର ରହିଛି । ଏଥର ଅନେକ ସେକ୍ଟର ପାଇଁ ବଡ଼ ଘୋଷଣା ହେବାର ଅନୁମାନ ରହିଛି । ଏପରି କରି ସରକାର ନିବେଶ, ରୋଜଗାର ଓ ଚାହିଦାକୁ ପ୍ରୋତ୍ସାହିତ କରିପାରନ୍ତି ।

ସ୍ୱାସ୍ଥ୍ୟ କ୍ଷେତ୍ରରେ ପରିବର୍ତ୍ତନ

ଏଥର ସ୍ୱାସ୍ଥ୍ୟ କ୍ଷେତ୍ରରେ ସରକାରୀ ଖର୍ଚ୍ଚ ବଢିବାର ଆଶା ରହିଛି । ବିଶେଷଜ୍ଞଙ୍କ ମତରେ ଆଇଭିଏଫ୍ ଓ ଅନ୍ୟ ପ୍ରସବ ଜନିତ ଚିକିତ୍ସାକୁ ଶସ୍ତା ଓ ସହଜ କରାଇବା ପାଇଁ ସବସିଡ୍ କିମ୍ୱା ଟ୍ୟାକ୍ସରେ ଆଶ୍ୱସ୍ତି ଦିଆଯାଇପାରେ । ଏହା ବ୍ୟତୀତ ଆସିଷ୍ଟେଡ୍ ରିପ୍ରୋଡକ୍ଟିଭ ଟେକ୍ନୋଲୋଜି (ଏଆରଟି) ଓ ମେଡିକାଲ୍ ଶିକ୍ଷା ଉପରେ ଅଧିକ ପାଣ୍ଠି ମିଳିବାର ସମ୍ଭାବନା ରହିଛି । ଏହା ଦ୍ୱାରା ଟିୟର-2 ଓ ଟିୟର-3 ସହରରେ ଚିକିତ୍ସା ସହଜ ଓ ଶସ୍ତା ହୋଇପାରେ ।

ପ୍ରତିରକ୍ଷାରେ ସ୍ୱଦେଶୀ ଉତ୍ପାଦନକୁ ପ୍ରୋତ୍ସାହନ

ପ୍ରତିରକ୍ଷା ସେକ୍ଟରରେ ସରକାର ସ୍ଥାନୀୟ ଉତ୍ପାଦନ ଓ ମେକ୍ ଇନ୍ ଇଣ୍ଡିଆକୁ ପ୍ରୋତ୍ସାହିତ କରିପାରନ୍ତି । ଏହାର ଅର୍ଥ ହେଉଛି ହତିଆର ଓ ଉପକରଣ ଏବେ ଭାରତରେ ଏବେ ଅଧିକ ନିର୍ମାଣ ହେବ, ଯାହା ବିଦେଶୀ ଆମଦାନୀ ଉପରେ ନିର୍ଭରତାକୁ କମ କରିବ ।

ଭିତ୍ତିଭୂମି ଓ ରିୟଲ ଇଷ୍ଟେଟ୍

ଭିତ୍ତିଭୂମି ସହ ଜଡିତ କ୍ଷେତ୍ରକୁ ନୂଆ ଗତି ଓ ସହଜରେ ପ୍ରକଳ୍ପ ଅନୁମୋଦନ ଆଶା ରହିଛି । ରିୟଲ ଇଷ୍ଟେଟ୍ ସେକ୍ଟରକୁ କମ ସୁଧ ହାର, ଟିକସ ରିହାତି ଏବଂ ସୁଲଭ ଗୃହ ସମ୍ବନ୍ଧୀୟ ଘୋଷଣାରୁ ରିଅଲ ଇଷ୍ଟେଟ୍ କ୍ଷେତ୍ର ଲାଭବାନ ହୋଇପାରିବ । ଏହା ଘର ମାଲିକାନା ସହଜ କରିବ ଏବଂ ନୂତନ ନିଯୁକ୍ତି ସୁଯୋଗ ସୃଷ୍ଟି କରିବ । ବିଶେଷକରି ସହରଗୁଡ଼ିକରେ ସୁଲଭ ଗୃହ ପାଇଁ ମୂଲ୍ୟ ସୀମା ୮୦-୯୦ ଲକ୍ଷକୁ ବୃଦ୍ଧି କରାଯାଇପାରେ ଏବଂ ଜିଏସଟି/ଷ୍ଟାମ୍ପ ଡ୍ୟୁଟିକୁ ସରଳ କରାଯାଇପାରିବ ।

ଆୟକର ଓ ମଧ୍ୟବିତ୍ତଙ୍କ ପାଇଁ ଆଶ୍ୱସ୍ତି

ମଧ୍ୟବିତ୍ତ ବର୍ଗ ଆଶା କରୁଛନ୍ତି ଯେ ଟିକସ ସ୍ଲାବରେ ଛାଡ଼, ଷ୍ଟାଣ୍ଡାର୍ଡ ଡିଡକ୍ସନ ବଢାଇବା ଏବଂ ନୂତନ ଟିକସ ବ୍ୟବସ୍ଥାକୁ ଆକର୍ଷଣ କରିବା ସାମିଲ ରହିବ । ଏହାଦ୍ୱାରା ଖର୍ଚ୍ଚ ବଢିବ ଏବଂ ଅର୍ଥନୀତିକୁ ପ୍ରୋତ୍ସାହିତ କରିବ ।

ପେନସନ ଓ ରିଟାରମେଣ୍ଟ ପ୍ରସ୍ତୁତି

ବଜେଟରେ ଜାତୀୟ ପେନସନ ବ୍ୟବସ୍ଥା (NPS)କୁ ଅଧିକ ନିର୍ଭରଯୋଗ୍ୟ କରିବା ଉପରେ ଧ୍ୟାନ ଦିଆଯିବ । ନୂତନ ଟିକସ ବ୍ୟବସ୍ଥା ଅନୁଯାୟୀ, ଏନପିଏସ୍ ଯୋଗଦାନ ଉପରେ ଟିକସ ଲାଭ ବେତନଭୋଗୀ ଏବଂ ସ୍ୱରୋଜଗାର କରୁଥିବା ବ୍ୟକ୍ତି ଉଭୟଙ୍କ ପାଇଁ ଉପଲବ୍ଧ ହେବ । ଏହା ଲୋକଙ୍କୁ ଦୀର୍ଘ ଅବଧି ଯାଏଁ ଶୃଙ୍ଖଳିତ ଭାବରେ ଅବସର ପାଇଁ ସଞ୍ଚୟ କରିବାକୁ ଏବଂ ଭବିଷ୍ୟତରେ ଆର୍ଥିକ ଭାବରେ ସ୍ୱାଧୀନ ହେବାକୁ ଉତ୍ସାହିତ କରିବ ।

ଫୁଡ୍ ପ୍ରୋସେସିଙ୍ଗ ଓ ଫ୍ରୋଜନ ଫୁଡ୍ ସେକ୍ଟର

ଖାଦ୍ୟ ପ୍ରକ୍ରିୟାକରଣ ଏବଂ ଫ୍ରୋଜେନ୍ ଖାଦ୍ୟ କ୍ଷେତ୍ରଗୁଡ଼ିକ ପାଇଁ କୋଲ୍ଡ-ଚେନ୍ ଭିତ୍ତିଭୂମି, ଆଧୁନିକ ୟୁନିଟ୍ ଏବଂ ଉନ୍ନତ ଫ୍ରିଜିଂ ପ୍ରଯୁକ୍ତିବିଦ୍ୟାରେ ପ୍ରୋତ୍ସାହନ ମିଳିବ ବୋଲି ଆଶା କରାଯାଉଛି । କ୍ଷୁଦ୍ର ଏବଂ ବୁଟଷ୍ଟ୍ରାପଡ ନିର୍ମାତାଙ୍କୁ ୱାର୍କିଂ କ୍ୟାପିଟାଲ୍ ଏବଂ ସହଜ ଋଣ ମିଳିବ, ଯାହା ସେମାନଙ୍କର ଅଭିବୃଦ୍ଧିକୁ ତ୍ୱରାନ୍ୱିତ କରିବ ।

ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଓ ଡିଜିଟାଲ୍ ଟେକ୍ନୋଲୋଜି

ଏଆଇ ଏବଂ ଡିଜିଟାଲ ସେବାରେ ନିବେଶ ବୃଦ୍ଧି ପାଇବାର ଆଶା କରାଯାଉଛି । ଷ୍ଟାର୍ଟଅପ୍ ଏବଂ ଏମଏସଏମଇ ଉଦ୍ୟୋଗଗୁଡ଼ିକ ଟିକସ ରିହାତି, ସହଜ ଋଣ ଏବଂ ମଞ୍ଜୁରି ପ୍ରକ୍ରିୟାରେ ସୁଧାର ଆସିବ । ଏଆଇ-ଆଧାରିତ ବିପଦ ପରିଚାଳନା, ଡିଜିଟାଲ ପେମେଣ୍ଟ ଏବଂ ଇଆରପି ସମନ୍ୱୟକୁ ପ୍ରୋତ୍ସାହିତ କରାଯିବ, ଯାହା ସ୍ୱଚ୍ଛତା ଏବଂ ଦ୍ରୁତ ବ୍ୟବସାୟ ପ୍ରକ୍ରିୟା ଆଣିବ ।