'ଗ୍ରେ ତାଲିକାରୁ ବାହାରିବା ଅର୍ଥ ଆତଙ୍କବାଦ ପାଣ୍ଠିରୁ ମୁକ୍ତ ନୁହେଁ': ପାକିସ୍ତାନକୁ ଚେତାବନୀ ଦେଲା FATF

ନୂଆଦିଲ୍ଲୀ: ପାକିସ୍ତାନକୁ ଚେତାବନୀ ଦେଇଛି ବିଶ୍ୱସ୍ତରୀୟ ଆତଙ୍କବାଦ ପାଣ୍ଠି ନିରୀକ୍ଷଣକାରୀ ସଂସ୍ଥା FATF। ଗ୍ରେ ତାଲିକାରୁ ହଟାଇ ଦିଆଯାଇଛି ସତ ଏହାର ଅର୍ଥ ନୁହେଁ ଯେ ଏହା ମନି ଲଣ୍ଡରିଂ ଏବଂ ଆତଙ୍କବାଦ ପାଣ୍ଠି ଦୃଷ୍ଟିକୋଣରୁ ଇସଲାମାବାଦ ସମ୍ପୂର୍ଣ୍ଣ ସୁରକ୍ଷିତ। ପାକିସ୍ତାନ ସମେତ ସମସ୍ତ ଗ୍ରେ ତାଲିକାରୁ ହଟିଥିବା ଦେଶକୁ ଅପରାଧ ରୋକିବା ଏବଂ ନିବାରଣ କରିବା ପାଇଁ କାମ ଜାରି ରଖିବାକୁ ପଡିବ ବୋଲି କହିଛନ୍ତି FATF ଅଧ୍ୟକ୍ଷ ଏଲିସା ଡି ଆଣ୍ଡା ମାଦ୍ରାଜୋ।

ଜାତୀୟ ବିପଦ ମୂଲ୍ୟାଙ୍କନ ୨୦୨୨ରେ ପାକିସ୍ତାନକୁ ଆତଙ୍କବାଦ ପାଣ୍ଠିର ଏକ "ହାଇ ରିସ୍କ" ଉତ୍ସ ଭାବରେ ଚିହ୍ନଟ କରିଛି। ଭାରତ ଦ୍ୱାରା ପ୍ରଦାନ କରାଯାଇଥିବା  ଷ୍ଟଡି ରିପୋର୍ଟ ଦକ୍ଷିଣ ଏସିଆରେ ପାକିସ୍ତାନର ନ୍ୟାସନାଲ ଡେଭଲପମେଣ୍ଟକୁ ନେଇ ବିପଦ ବିଷୟରେ ଚିନ୍ତା ପ୍ରକାଶ କରିଛି FATF। ରିପୋର୍ଟ ଅନୁଯାୟୀ, ପାକିସ୍ତାନ ଏହି ଅଞ୍ଚଳରେ ପ୍ରସାର ପାଣ୍ଠି ପାଇଁ ଏକ ହାଇ ରିସ୍କ ଦେଶ ଭାବରେ ରହିଛି।

ମାଦ୍ରାଜୋ କହିଛନ୍ତି ଯେ "ଗ୍ରେ ତାଲିକାରେ ଥିବା କିମ୍ବା ପୂର୍ବରୁ ଗ୍ରେ ତାଲିକାରେ ଥିବା କୌଣସି ଦେଶ ଅପରାଧୀଙ୍କ କାର୍ଯ୍ୟକଳାପରୁ ସମ୍ପୂର୍ଣ୍ଣ ସୁରକ୍ଷିତ ନୁହେଁ। ଠକେଇ କିମ୍ବା ଆତଙ୍କବାଦୀ। ତେଣୁ ଆମେ ତାଲିକାରୁ ବାହାର କରାଯାଇଥିବା ଦେଶ ସମେତ ସମସ୍ତ ଦେଶକୁ ଅପରାଧ ରୋକିବା ପାଇଁ ସେମାନଙ୍କର ଭଲ ପ୍ରୟାସ ଜାରି ରଖିବାକୁ ଅନୁରୋଧ କରୁ ବୋଲି FATF ସଭାପତି କହିଛନ୍ତି।

FATF ସଭାପତି କହିଛନ୍ତି ଯେ ଗ୍ରେ ତାଲିକାରେ ଥିବା ଦେଶ ଏବଂ ଅଞ୍ଚଳଗୁଡ଼ିକ ଉପରେ ନଜର ରଖାଯାଏ କାରଣ ସେମାନଙ୍କର ଆତଙ୍କବାଦ ପାଣ୍ଠି ଏବଂ ମନି ଲଣ୍ଡରିଂ ମୁକାବିଲା କରିବାରେ ଗମ୍ଭୀର ତ୍ରୁଟି ରହିଛି। ଜୈଶ-ଏ-ମହମ୍ମଦ (JeM) ଡିଜିଟାଲ୍ ୱାଲେଟ୍ ବ୍ୟବହାର କରି ଆତଙ୍କବାଦୀ ଶିବିରଗୁଡ଼ିକୁ ପାଣ୍ଠି ଯୋଗାଇ ଦେଉଛି, ଯାହାଦ୍ୱାରା ଆର୍ଥିକ କାରବାର ଲୁଚାଇ ରଖୁଛି ବୋଲି ରିପୋର୍ଟରେ କୁହାଯାଉଛି।