ଇଣ୍ଟର ମେଡିକାଲ କଲେଜ ମିଟରେ ଗଣ୍ଡଗୋଳ ଘଟଣା, ଚଳିତ ବର୍ଷ ମିଟ୍‌ ବନ୍ଦ ନିଷ୍ପତ୍ତିକୁ ବିରୋଧ କରି ଛାତ୍ରଛାତ୍ରୀଙ୍କ ପ୍ରତିବାଦ

ଚଳିତ ବର୍ଷ ଇଣ୍ଟର ମେଡିକାଲ କଲେଜ ମିଟ ବନ୍ଦ ନେଇ ନିଷ୍ପତ୍ତି ନେଇଥିବା କହିଛନ୍ତି ଡିନ ପ୍ରଫେସର ଡାକ୍ତର ସୁଚିତ୍ରା ଦାସ। ହେଲେ ଇଣ୍ଟର ମେଡିକାଲ କଲେଜ ମିଟ୍ ବନ୍ଦକୁ ପ୍ରତିବାଦ କରି ଧାରଣାରେ ବସିଛନ୍ତି ଡାକ୍ତର ଛାତ୍ରଛାତ୍ରୀ ।

ସୂଚନାଥାଉକି, ସୋମବାର ସନ୍ଧ୍ୟାରେ ବୁର୍ଲା, କଟକ ଏସସିବି ମେଡିକାଲର ଛାତ୍ରଛାତ୍ରୀମାନେ ଏମକେସିଜି ମେଡିକାଲକୁ ଆସିଥିଲେ। କଟକ ଓ ବୁର୍ଲା ଛାତ୍ରମାନଙ୍କ ସହ ବ୍ରହ୍ମପୁର ଏମକେସିଜି ମେଡିକାଲ କଲେଜ ଛାତ୍ର ମାନଙ୍କ ସହ ଗଣ୍ଡଗୋଳ ହୋଇଥିଲା।

ଏମକେସିଜି ମେଡିକାଲ କଲେଜ ୩ ନମ୍ବର ହଷ୍ଟେଲ ସମ୍ମୁଖରେ ହୋଇଥିବା ଗଣ୍ଡଗୋଳରେ କଟକ ଏସସିବି ମେଡିକାଲ, ବୁର୍ଲା ମେଡ଼ିକାଲ ଓ ଏମକେସିଜି ମେଡିକାଲ କଲେଜର କିଛି ଛାତ୍ର ଆହତ ହୋଇଥିଲେ। ତେବେ ବିଳମ୍ବିତ ରାତିରେ ଏମକେସିଜି ମେଡିକାଲରେ ଚିକିତ୍ସିତ ହୋଇ ଫେରିଥିଲେ ଛାତ୍ର।

ଏମିତିରେ ଏହି ଘଟଣାକୁ ନେଇ ମଙ୍ଗଳବାର ଅପରାହ୍ନରୁ ଏମକେସିଜି ମେଡିକାଲ କଲେଜରେ ଗୁରତ୍ୱପୂର୍ଣ୍ଣ ବୈଠକ ବସିଥିଲା । ଆଉ ବୈଠକ ମିଟ୍‌ ବନ୍ଦ କରିବାକୁ ନିଷ୍ପତ୍ତି ହୋଇଥିଲା। ହେଲେ ଏହାକୁ ବିରୋଧ କରି ଧାରଣାରେ ବସିଛନ୍ତି ଛାତ୍ରଛାତ୍ରୀ। ସେମାନେ ଦାବି କରିଛନ୍ତି ଇଣ୍ଟର ମେଡିକାଲ କଲେଜ ମିଟ ବନ୍ଦ ନକରି ଚାଲୁ ରଖାଯାଉ।