ନୂଆଦିଲ୍ଲୀ: ଭାରତ ଓ ସାଉଦୀ ଆରବ ମଧ୍ୟରେ ନିବିଡ଼ ହେଉଛି ସମ୍ପର୍କ । ରାଜନୈତିକ, ଅର୍ଥନୈତିକ ଓ ଅର୍ଥନୈତିକ କ୍ଷେତ୍ରରେ ସମ୍ପର୍କ ଦୃଢ଼ ହେବାରେ ଲାଗିଛି । କ୍ରାଉନ୍ ପ୍ରିନ୍ସ ମହମ୍ମଦବିନ୍ ସଲମାନଙ୍କ ନିମନ୍ତ୍ରଣରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସାଉଦୀ ଆରବ ଗସ୍ତରେ ରହିଛନ୍ତି । ତେବେ ଏହାରି ଭିତରେ ପିଏମ୍ ମୋଦିଙ୍କୁ ମଝି ଆକାଶରେ ସ୍ବାଗତ ଜଣାଇଛି ସାଉଦୀ ଆରବ । ଭାରତୀୟ ପ୍ରଧାନମନ୍ତ୍ରୀଙ୍କ ବିମାନ ଜେଦ୍ଦାହ ବାୟୁସୀମାରେ ପ୍ରବେଶ କରିବା ମାତ୍ରେ ରୟାଲ ସାଉଦୀ ବାୟୁସେନାର ଦୁଇଟି ଏଫ-୧୫ଏସ୍ ଯୁଦ୍ଧବିମାନ ତାଙ୍କୁ ଏସ୍କର୍ଟ କରି ନେଇଥିଲେ ।
🇮🇳-🇸🇦 friendship flying high!
— Randhir Jaiswal (@MEAIndia) April 22, 2025
As a special gesture for the State Visit of PM @narendramodi, his aircraft was escorted by the Royal Saudi Air Force as it entered the Saudi airspace. pic.twitter.com/ad8F9XGmDL
ମଙ୍ଗଳବାରଠୁ ଦୁଇ ଦିନିଆ ସାଉଦୀ ଆରବ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ୨୦୧୬ ଓ ୨୦୧୯ ପରେ ୨୦୨୫ରେ ମରୁଦେଶ ଗସ୍ତ କରିଛନ୍ତି ପିଏମ ମୋଦି । ଏଥର କ୍ରାଉନ୍ ପ୍ରିନ୍ସ ମହମ୍ମଦବିନ୍ ସଲମାନ ଅଲ୍ ସାଉଦୀଙ୍କ ନିମନ୍ତ୍ରଣରେ ଜେଦ୍ଦାହ ଗସ୍ତ କରିଛନ୍ତି । ୪୦ ବର୍ଷ ପରେ କୌଣସି ଭାରତୀୟ ପ୍ରଧାନମନ୍ତ୍ରୀଙ୍କ ଏହି ପୋର୍ଟ ସିଟି ଗସ୍ତ କରିଛନ୍ତି । ଆଜି ପ୍ରଧାନମନ୍ତ୍ରୀଙ୍କ ବିମାନ ଜେଦ୍ଦାହ ବାୟୁସୀମାରେ ପ୍ରବେଶ କରିବା ପରେ ତାଙ୍କୁ ରାୟାଲ ସାଉଦୀ ବାୟୁସେନା ମଝି ଆକାଶରେ ସ୍ବାଗତ କରିଥିଲା । କଡ଼ା ସୁରକ୍ଷା ବଳୟ ଭିତରେ ଦୁଇଟି ଏଫ-୧୫ଏସ୍ ଯୁଦ୍ଧବିମାନ ଏସ୍କର୍ଟ କରି ବିମାନ ବନ୍ଦରକୁ ନେଇଯାଇଥିଲେ । ଭାରତୀୟ ବିଦେଶ ମନ୍ତ୍ରାଳୟ ଏହାର ଭିଡିଓ ସୋସିଆଲ୍ ମିଡିଆରେ ଜାରି କରିଛି । ବିଦେଶ ମନ୍ତ୍ରାଳୟର ମୁଖପାତ୍ର ରଣଧୀର ଜୈସ୍ବାଲ୍ ଏକ୍ସରେ ଏହାକୁ ପୋଷ୍ଟ କରିଛନ୍ତି । ସେ ଲେଖିଛନ୍ତି, ରୟାଲ ସାଉଦୀ ସେନାର ଏହି ସ୍ବାଗତ, ଭାରତ ଓ ସାଉଦୀ ଆରବର ଦ୍ବିପାକ୍ଷୀକ ସମ୍ପର୍କକୁ ଆହୁରି ମଜଭୁତ କରୁଛି ।
Landed in Jeddah, Saudi Arabia. This visit will strengthen the friendship between India and Saudi Arabia. Eager to take part in the various programmes today and tomorrow. pic.twitter.com/Y1HNt9J4nG
— Narendra Modi (@narendramodi) April 22, 2025
ଆଜି ସଂଧ୍ୟାରେ କ୍ରାଉନ ପ୍ରିନ୍ସଙ୍କ ସହ ସାକ୍ଷାତ:
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସାଉଦୀ ଆରବ ଗସ୍ତରେ ରହିଛନ୍ତି । ସେ ଜେଦ୍ଦାହ ପୋର୍ଟ ସିଟିରେ ପହଞ୍ଚିସାରିଛନ୍ତି । ୪୦ ବର୍ଷ ପରେ କୌଣସି ଭାରତୀୟ ପ୍ରଧାନମନ୍ତ୍ରୀ ଏହି ସହରରେ ପାଦ ରଖିଛନ୍ତି । ତେବେ ଆଜି ସଂଧ୍ୟାରେ ପିଏମ୍ ମୋଦି, କ୍ରାଉନ ପ୍ରିନ୍ସ ମହମ୍ମଦ ବିନ୍ ସଲମାନଙ୍କ ସହିତ ସାକ୍ଷାତ କରିବେ । ଏହି ଦ୍ବିପାକ୍ଷୀକ ବୈଠକରେ ଦୁଇ ଦେଶ ମଧ୍ୟରେ ପ୍ରତିରକ୍ଷା ସହଯୋଗିତାକୁ ନେଇ ଆଲୋଚନା ହେବ । ଏହି ସାକ୍ଷାତ ଦୁଇ ଦେଶର ସମ୍ପର୍କକୁ ଆହୁରି ମଜଭୁତ କରିବ ବୋଲି କୁହାଯାଉଛି ।...
