ସୋର ୫।୭: ଔପଦା ଟ୍ରିପଲ ମର୍ଡର ଘଟଣାର ତଦନ୍ତ ପାଇଁ ଘଟଣାସ୍ଥଳରେ ପହଞ୍ଚିଲା ବାଲେଶ୍ୱର ସାଇଣ୍ଟିଫିକ୍ ଟିମ୍ । ସିନ୍ ରିକ୍ରିଏସନ ସହାୟତାରେ ଔପଦା ଆଇଆଇସି ତଦନ୍ତ ଜାରି ରଖିଛନ୍ତି । ଗୁରୁବାର ଔପଦା ଥାନା ବରପଦା ପାହାଡ଼ରୁ ୩ ଜଣଙ୍କର ମୃତଦେହ ଉଦ୍ଧାର କରିଥିଲା ପୋଲିସ l ବରପଦା ଗାଁର ମୁଖ୍ୟ ଅଭିଯୁକ୍ତ ମାଧ ସିଂ ଓ ତାର ଭାଇ ନିଜ ଘର ପଛ ପଟେ ସମ୍ବାରି ସିଂ, ଦାମ୍ପା ସିଂ ଓ ପାଗିଳି ସିଂକୁ ପ୍ରଥମେ ପିଟିପିଟି ମାରିବା ପରେ ବୀଭତ୍ସ ଭାବେ ବେକ କାଟି ଗାଁ ଠାରୁ ୫ କିଲୋମିଟର ଦୂର ଦଲଦଲି ପାହାଡ଼ରେ ଫୋପାଡ଼ି ଦେଇଥିଲେ l
ସୂଚନାଯୋଗ୍ୟ ଯେ, ବାଲେଶ୍ଵର ଜିଲ୍ଲା ଔପଦା ଥାନା ବଡ଼ପୋଖରୀ ପଞ୍ଚାୟତ ବରପଦା ଗାଁରେ ଗୁଣି ଗାରେଡି ସନ୍ଦେହରେ ୩ ଜଣଙ୍କୁ ବୀଭତ୍ସ ଭାବେ ଗଳାକାଟି ହତ୍ୟା । ବରପଦା ଗାଁର ସମ୍ଭାରି ସିଂ, ଦାମ୍ପା ସିଂ ଏବଂ ତାଙ୍କ ପତ୍ନୀ ପାଗିଳି ସିଂଙ୍କୁ ଗତ ଜୁନ୍ ମାସ ୩୦ ତାରିଖ ରାତିରେ ଗାଁର କିଛି ଲୋକ ସଙ୍ଘବଦ୍ଧ ଭାବେ ଠେଙ୍ଗାରେ ପିଟିବା ସହ ଗଳାକାଟି ହତ୍ୟା । ଗାଁରୁ ୫ କିଲୋମିଟର ଦୂରରେ ଥିବା ଦଲଦଲି ପାହାଡ଼ରେ ଫିଙ୍ଗି ଦେଲେ ମୃତଦେହ । ମୃତ ସମ୍ବାରି ସିଂଙ୍କ ପୁଅମାନେ ବାହାରେ ରହୁଥିବା ବେଳେ ମା’ ନିଖୋଜ ଥିବା ଜାଣିପାରି ବଡ଼ ପୁଅ ନିରଞ୍ଜନ ସିଂ ଘରକୁ ଆସି ଔପଦା ଥାନାରେ ଏ ନେଇ ଲିଖିତ ଅଭିଯୋଗ କରିଥିଲେ । ଅଭିଯୋଗ ପାଇ ଔପଦା ଥାନା ଆଇଆଇସି ଶ୍ରବଣ କୁମାର ମହାରଣା ତାଙ୍କ ଟିମ ନେଇ ଘଟଣାର ତଦନ୍ତ କରିବା ସହ ଖୋଜାଖୋଜି କରି ଗାଁର ୫ କିଲୋମିଟର ଦୂରରେ ଥିବା ଦଲଦଲି ପାହାଡରୁ ୩ ମୃତଦେହକୁ ଠାବ କରିଥିଲେ ।
ଘଟଣାରେ ସମ୍ପୃକ୍ତ ଥିବା ୭ ଜଣଙ୍କୁ ପୋଲିସ ଥାନାରେ ଅଟକ ରଖିଛି । ଘଟଣାସ୍ଥଳରୁ ଏକ କୁରାଢ଼ି ଏବଂ ବାଉଁଶ ପୋଲିସ ଜବତ କରିଛି । ଗୁଣିଗାରେଡି ସନ୍ଦେହକୁ କେନ୍ଦ୍ରକରି ଏଭଳି ହତ୍ୟାକାଣ୍ଡ ଘଟିଥିବା ନେଇ ସମ୍ଭାରୀର ଦୁଇ ପୁଅ ରାଜୁ ଓ ନିର ପ୍ରକାଶ କରିଛନ୍ତି ।
ଘଟଣାରେ ୧୨ରୁ ୧୪ ଜଣ ବ୍ୟକ୍ତି ସମ୍ପୃକ୍ତ ଥିବା ନେଇ ନିର ଆଇଆଇସି ଶ୍ରବଣ କୁମାର ମହାରଣା ଅଭିଯୋଗ କରିଛନ୍ତି l ଗତ ରାତି ୧୨ଟା ୩୦ ମିନିଟରେ ପୋଲିସ ସ୍ଥାନୀୟ ଲୋକଙ୍କ ସହାୟତାରେ ତିନି ଶବକୁ ପାହାଡ଼ ତଳକୁ ଆଣି ରାତି ୩ଟାରେ ସୋର ହସ୍ପିଟାଲରେ ଶବ ବ୍ୟବଚ୍ଛେଦ ଗୃହରେ ରଖିଛନ୍ତି l ବାହାରେ ବୁଲୁଥିବା ଅଭିଯୁକ୍ତମାନେ ନିର ଓ ରାଜୁ ପରିବାରକୁ ଫୋନ ଯୋଗେ ଧମକ ଦେଉଥିବା ଅଭିଯୋଗ କରିଛନ୍ତି l ଏହି ଘଟଣାରେ ସମ୍ପୃକ୍ତ ଥିବା ଅନ୍ୟ ଅଭିଯୁକ୍ତଙ୍କୁ ଗିରଫ କରିବା ସହିତ ଦୋଷୀଙ୍କ ଉପରେ ଦୃଢ଼ କାର୍ଯ୍ୟନୁଷ୍ଠାନ ନେବାକୁ ପରିବାରର ନିର ଓ ରାଜୁ ଦାବି କରିଛନ୍ତି।
You Can Read:
ବିଦ୍ୟାଳୟ ଆସୁଥିବା ଛାତ୍ରକୁ ଇଞ୍ଜେକ୍ସନ ଦେଲେ ୫ ଯୁବକ, ଅଚେତ ଅବସ୍ଥାରେ ମେଡିକାଲରେ ଭର୍ତ୍ତି
