Budget 2026: ଭିତ୍ତିଭୂମି ଉପରେ ସରକାରଙ୍କ ଫୋକସ୍, ୧୨ ଲକ୍ଷ କୋଟି ଟଙ୍କା ଟପିଲା କ୍ୟାପେକ୍ସ

ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ବଜେଟ୍ ଉପସ୍ଥାପନ କରିଛନ୍ତି। ଏହି ବଜେଟ୍ ବିକଶିତ ଭାରତ ଗଠନ ଦୃଷ୍ଟିରୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ସରକାର ଭିତ୍ତିଭୂମି ବିକାଶ ଉପରେ ଅଧିକ ଫୋକସ ଦେଇଛନ୍ତି। ଆର୍ଥିକ ବର୍ଷ ୨୦୨୬-୨୭ରେ କେନ୍ଦ୍ର ସରକାରଙ୍କ ପୁଞ୍ଜିଗତ ବ୍ୟୟ (କ୍ୟାପିଟାଲ୍ ଏକ୍ସପେଣ୍ଡିଚର୍) ୧୨.୨ ଲକ୍ଷ କୋଟି ଟଙ୍କା ରହିଛି।

ସରକାରଙ୍କ ଦ୍ୱାରା ଭିତ୍ତିଭୂମି ନିର୍ମାଣ ଓ ଆର୍ଥିକ ବିକାଶକୁ ଗତି ଦେବା ପାଇଁ ରଣନୀତି ଜାରି ରହିଛି । ରିପୋର୍ଟ ଅନୁସାରେ ଆର୍ଥିକ ବର୍ଷ ୨୦୨୭ରେ ସରକାରୀ କ୍ୟାପେକ୍ସରେ ବାର୍ଷିକ ଆଧାରରେ ପ୍ରାୟ ୧୦ ପ୍ରତିଶତ ବୃଦ୍ଧି ହୋଇଛି।

SBI ରିପୋର୍ଟରେ ଦିଆଯାଇଥିବା ପରିସଂଖ୍ୟାନରୁ ସ୍ପଷ୍ଟ ହେଉଛି ଯେ ଗତ କିଛି ବର୍ଷରେ ବଜେଟ୍ ଜରିଆରେ ପୁଞ୍ଜିଗତ ବ୍ୟୟରେ ବଡ଼ ବୃଦ୍ଧି ହୋଇଛି । ଆର୍ଥିକ ବର୍ଷ ୨୦୨୬ରେ ଏହା ମାତ୍ର ୨.୫ ଲକ୍ଷ କୋଟି ଟଙ୍କା ଥିଲା, ଯାହା ବଜେଟ୍ ଅନୁମାନ ଅନୁସାରେ ଆର୍ଥିକ ବର୍ଷ ୨୦୨୬ରେ ବଢି ୧୧.୨ ଲକ୍ଷ କୋଟି ଟଙ୍କା ହୋଇଛି । ସରକାରଙ୍କ ଦ୍ୱାରା ବିଭିନ୍ନ ସ୍ତରରେ ସମ୍ପତ୍ତି ନିର୍ମାଣ ପାଇଁ ଦିଆଯାଇଥିବା ଅନୁଦାନରେ ମଧ୍ୟ ବୃଦ୍ଧି ଘଟିଛି । ଆର୍ଥିକ ବର୍ଷ ୨୦୧୬ରେ ଏହା ୧.୩ ଲକ୍ଷ କୋଟି ଟଙ୍କାରୁ ବଢି ଆର୍ଥିକ ବର୍ଷ ୨୦୨୬ରେ ୪.୩ ଲକ୍ଷ କୋଟି ଟଙ୍କା ହୋଇଛି ।