ଯାଜପୁର, ବାଲେଶ୍ୱର, ପୁରୀ ଗସ୍ତରେ ଯିବେ ରାଷ୍ଟ୍ରପତି, ବିରଜାଙ୍କ ଦର୍ଶନ ସହ ପିଣ୍ଡଦାନ

ଭୁବନେଶ୍ୱର,୦୩/୦୨: ସୋମବାର ୬ ଦିନିଆ ଓଡ଼ିଶା ଗସ୍ତରେ ଆସି ଭୁବନେଶ୍ବରରେ ପହଞ୍ଚିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ସନ୍ଧ୍ୟା ୬ଟା ୫୫ ମିନିଟ୍ରେ ସ୍ବତନ୍ତ୍ର ବାୟୁସେନା ବିମାନ ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରେ ଅବତରଣ କରିଥିଲା । ଲୋକଭବନରେ ରାଷ୍ଟ୍ରପତି ରାତ୍ରଯାପନ କରିଛନ୍ତି । ରାଜ୍ୟ ପାଳ ଡ. ହରି ବାବୁ କମ୍ଭମ୍ ଟି, ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ବି ମାନବନ୍ଦରରେ ରାଷ୍ଟ୍ରପତିଙ୍କୁ ସ୍ଵାଗତ କରିଛନ୍ତି।

ଏ ଖବରବି ପଢନ୍ତୁ:- ଛଅ ଦିନିଆ ଓଡ଼ିଶା ଗସ୍ତରେ ଭୁବନେଶ୍ଵର ପହଞ୍ଚିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ

ମେୟର ସୁଲୋଚନା ଦାସ ସେଠାରେ ଉପସ୍ଥିତ ଥିଲେ। ବିମାନବନ୍ଦରରୁ କାରକେଡ୍ ଯୋଗେ ରାଷ୍ଟ୍ରପତି ଲୋକ ଭବନକୁ ଯାଇଥିଲେ। ମଙ୍ଗଳବାର ସକାଳ ସାଢ଼େ ୮ଟାରେ ରାଷ୍ଟ୍ର ପତି ଲୋକଭବନରୁ ବାହାରି ବିମାନବନ୍ଦରକୁ ଯିବେ। ସେଠାରୁ ସକାଳ ୮ଟା ୫୦ ମିନିଟ୍ରେ ବାୟୁ ସେନାର ହେଲିକପ୍ଟର ବାହାରି ସାଢ଼େ ୯ଟାରେ ଯାଜପୁର ପ୍ରଶାସନିକ ଭବନ ହେଲିପ୍ୟାଡ୍ରେ ଅବତରଣ କରିବ। ସକାଳ ୧୦ଟାରେ ମା’ ବିରଜାଙ୍କୁ ଦର୍ଶନ କରିବେ।

ପୂର୍ବାହ୍ଣ ୧୧ଟା ୪୦ ମିନିଟ୍‌ରେ ଯାଜପୁର ହେଲିପ୍ୟାଡରୁ ବାହାରି ମଧ୍ୟାହ୍ଣ ସାଢ଼େ ୧୨ଟାରେ ବାଲେଶ୍ଵ ର ଫକୀର ମୋହନ ବିଶ୍ଵବିଦ୍ୟାଳୟ ନିକଟ ଏକ ହେଲିପ୍ୟାଡ୍‌ରେ ଓହ୍ଲାଇବେ। ବିଶ୍ଵ ବିଦ୍ୟାଳୟର ସମାବର୍ତ୍ତନ ଉତ୍ସବରେ ରାଷ୍ଟ୍ର ପତି ମୁଖ୍ୟ ଅତିଥି ଭାବେ ଯୋଗ ଦେବେ । ଅପରାହ୍ନ ସାଢ଼େ ୩ଟାରେ ବାଲେଶ୍ଵର ହେଲିପ୍ୟାଡରୁ ବାହାରି ପୁରୀ ତାଳବଣିଆ ହେଲିପ୍ୟାଡ୍‌ରେ ଅପରାହ୍ନ ୪ଟା ୫୫ରେ ପହଞ୍ଚିବେ। ପୁରୀ ଲୋକଭବନରେ ରାତ୍ରୀଯାପନ କରିବେ। ଆସନ୍ତା ୪ ତାରିଖ ସକାଳ ୬ଟା ୫୦ ମିନିଟ୍ରେ ଲୋକଭବନରୁ ବାହାରି ଶ୍ୱେତଗଙ୍ଗ ପୁଷ୍କରଣୀ ନିକଟକୁ ଯାଇ ପିଣ୍ଡଦାନ କରିବେ ।

​​​​​​​​​​​​​​ଏ ଖବରବି ପଢନ୍ତୁ:- ରାୟଗଡାରେ ସୁଭଦ୍ରା ଶକ୍ତିମେଳାର ଉଦ୍‌ଘାଟନ, ଜିଲ୍ଲା ପାଇଁ ୬୦୦ କୋଟିର ୧୦୯ଟି ପ୍ରକଳ୍ପର ଶୁଭାରମ୍ଭ

ସକାଳ ୭ଟା ୪୦ ମିନିଟରେ ସେ ଶ୍ରୀମନ୍ଦିରକୁ ଯାଇ ମହାପ୍ରଭୁଙ୍କ ଦର୍ଶନ କରିବେ। ପୂର୍ବାହ୍ଣ ୧୧ଟା ୧୦ ମିନିଟ୍ରେ ରାଇରଙ୍ଗପୁର ଦଣ୍ଡବୋଷ ହେଲିପ୍ୟାଡ୍ରେ ପହଞ୍ଚିବେ। ମହୁଲଡ଼ିହର ସରକାରୀ (ଏସ୍ଏସ୍) ବାଳି କା ଉଚ୍ଚ ବିଦ୍ୟାଳୟକୁ ଯାଇ ଛାତ୍ରଛାତ୍ରୀଙ୍କ ସହ ସମୟ ବିତାଇବେ। ରାଷ୍ଟ୍ରପତି ଅପରାହ୍ନ ୪ଟାରେ କଚେରି ପଡ଼ି ଆରେ ସାଧାରଣ ସଭାରେ ବିଭିନ୍ନ ପ୍ରକଳ୍ପର ଶିଳାନ୍ୟାସ କରିବେ।

ସେଠାରୁ ଫେରି ରାଇରଙ୍ଗପୁରସ୍ଥିତ ଘରେ ରାତ୍ରୀଯାପନ କରିବେ। ତା’ପରଦିନ ରାଇରଙ୍ଗପୁର ପାହାଡ଼ପୁର ମୁର୍ମୁ ଛକ, ଶ୍ରୀଜଗନ୍ନାଥ ମନ୍ଦିରକୁ ଯିବେ। ଅପରାହ୍ନ ୪ଟାରେ ଶିମିଳି ପାଳ ଅଭୟାରଣ୍ୟ ବୁଲିବେ। ମଧ୍ୟାହ୍ନ ୧ଟା ୨୫ ମିନିଟ ଭୁବନେଶ୍ୱରକୁ ଫେରି ଲୋକଭବନକୁ ଯିବେ। ସନ୍ଧ୍ୟା ୫ଟା ୩୦ରେ ମେ ଫେୟାର ହୋଟେଲକୁ ଯାଇ ‘ବ୍ଲାକ୍ ୱାନ୍ ସମ୍ମଟ୍ ଇଣ୍ଡିଆ’ରେ ଯୋଗ ଦେବେ ।

​​​​​​​ଏ ଖବରବି ପଢନ୍ତୁ:- ଅଙ୍ଗନବାଡିରେ ଖେଳୁଛି ପଢ଼ୁଛି ଆଇଏଏସଙ୍କ କୁନି ଝିଅ : କିଏ ସେ ବଡ଼ ଅଫିସର, କାହିଁକି ଝିଅକୁ ସରକାରୀ ସ୍କୁଲରେ ବସେଇଲେ ?