ପାରାଦୀପ ୧।୧୧: ସମୁଦ୍ର ଭିତରେ ମାଛ ଧରା ଉପରେ କଟକଣା ଲାଗୁ କଲେ ସରକାର । କଇଁଛ ସୁରକ୍ଷା ପାଇଁ ସରକାର ୭ ମାସର କଟକଣା ଲଗାଇଛନ୍ତି । ଯାହାକୁ ନେଇ ଏବେ ଚିନ୍ତାରେ ମତ୍ସ୍ୟଜୀବୀ । ଏହା ଟ୍ରଲର ମାଲିକ ଓ ମତ୍ସ୍ୟଜୀବୀଙ୍କୁ ଚିନ୍ତାରେ ପକାଇ ଦେଇଛି । ନଭେମ୍ବର ୧ରୁ ମେ’ ୩୧ ଯାଏଁ ଉପକୂଳରୁ ସମୁଦ୍ର ଭିତରକୁ ମାଛ ଧରିବାରେ କଟକଣା ଜାରି କଲେ ସରକାର । ସମୁଦ୍ର କୂଳରୁ ୨୦ କି.ମି. ପର୍ଯ୍ୟନ୍ତ କୌଣସି ଯନ୍ତ୍ର ଚାଳିତ ଡଙ୍ଗା କି ଟ୍ରଲର ଧରି ପାରିବେନି ମାଛ । କାରଣ ଏହି ସମୟରେ ଦୂର ସମୁଦ୍ରରୁ ଅଣ୍ଡା ଦାନ କରିବାକୁ କୂଳକୁ ଆସୁଛନ୍ତି ଲକ୍ଷ ଲକ୍ଷ କଇଁଛ । ସେମାନଙ୍କ ସୁରକ୍ଷାକୁ ପ୍ରାଧାନ୍ୟ ଦେଉଛନ୍ତି ସରକାର । 

ଓଡିଶାର ଦେବୀ, ଋଷିକୁଲ୍ୟା ଓ ବରୁଣେଇ ମୁହାଣ ମୁହଁରେ ସରକାର ଏଭଳି ପ୍ରତିବନ୍ଧକ ଲଗାଇଛନ୍ତି । ତେବେ ସମୁଦ୍ର ଭିତରେ ସେପରି କିଛି ସୀମା ନିର୍ଦ୍ଧାରଣର ବ୍ୟବସ୍ଥା କରାଯାଇ ନଥିବାରୁ ଏହି କଟକଣାକୁ ଅନେକ ମତ୍ସ୍ୟଜୀବୀ ମାନୁଥିବା ବେଳେ ଅନେକ ବାଟ ହୁଡ଼ି ମତ୍ସ୍ୟ ବିଭାଗ, ବନ ବିଭାଗ ଓ ତଟରକ୍ଷୀଙ୍କ ଦ୍ଵାରା ଗିରଫ ହେଉଛନ୍ତି । ପ୍ରତିବର୍ଷ ବାରମ୍ବାର ବାତ୍ୟା, ଲଘୁଚାପ ପାଇଁ ସମୁଦ୍ର ଅଶାନ୍ତ ରହିବା କାରଣରୁ ଅନେକ ଦିନ ମାଛ ଧରିବାରେ ମଧ୍ଯ ସମସ୍ୟାୁରେ ପଡୁଛନ୍ତି ମତ୍ସ୍ୟଜୀବୀ ।

ସେପଟେ ଗହୀର ମଥା ସାମୁଦ୍ରିକ ଅଭୟାରଣ୍ୟରେ ମାଛଧରା କଟକଣାକୁ କଡାକଡି କରାଯାଇଛି l ଧାମରା ଠାରୁ ଦେବୀ ମୁହାଣ ଯାଏ ସମୁଦ୍ର କୂଳରୁ ୨୦ କି.ମି. ପର୍ଯ୍ୟନ୍ତ ଟ୍ରଲରରେ ମାଛ ମାରିବାକୁ ବାରଣ କରିଛି ରାଜନଗର ବନ ବିଭାଗ l ନଭେମ୍ବର ୧ ତାରିଖ ଠାରୁ ମେ' ୩୧ ତାରିଖ ଯାଏଁ ଗହୀରମଥାକୁ ଶହ ଶହ ନଟିକାଲ ମାଇଲ ଅତିକ୍ରମ କରି ଦେଶ ବିଦେଶରୁ ଅଲିଭ ରିଡଲେ କଇଁଛ ବଂଶ ବିସ୍ତାର ପାଇଁ ଆସିଥlନ୍ତି l କଇଁଛ ମାନେ ପ୍ରଜନନ କରିବା ପରେ ଅଣ୍ଡା ଦେଇ ଛୁଆ ହେବା ପରେ ପୁଣି ନିଜ ନିଜ ଅଞ୍ଚଳକୁ ଫେରିଯାଆନ୍ତି l ଟ୍ରଲର ଚଳାଚଳ ଯୋଗୁ କଇଁଛ ମରୁଥିବାରୁ ବନ ବିଭାଗ ଏହି ଅଞ୍ଚଳରେ ତୀକ୍ଷ୍ଣ ନଜର ରଖିବା ସହ ସମୁଦ୍ର ଭିତରେ ଥିବା ସୀମାକୁ ଟପି ନିଷିଦ୍ଧlଞ୍ଚଳ ନଯିବାକୁ ମତ୍ସ୍ୟଜୀବୀ ମାନଙ୍କୁ ବନ ବିଭାଗ ନିବେଦନ କରିଛି l

You Can Read:

ମାର୍କେଟ୍ ବିଲ୍ଡିଂ ଏବଂ ୧ ନମ୍ବର ହାଟ ମଝିରେ ଥିବା ଭୂତଳ ବଜାରରେ ଅଗ୍ନିକାଣ୍ଡ, ଜଳିଗଲା ଗୋଟିଏ ଶାଢ଼ି ଦୋକାନ