ବାଙ୍କୀ ୨୪।୪: ବାଙ୍କୀ ଥାନା ଅନ୍ତର୍ଗତ କୁସୁପଙ୍ଗି ଛକ ନିକଟରେ ଦୁଇ କାର୍ ମୁହାଁମୁହିଁ ଧକ୍କା । ଦୁର୍ଘଟଣାରେ ୬ ଜଣ ଆହତ ହୋଇଛନ୍ତି । ଆହତଙ୍କୁ ଚିକିତ୍ସା ପାଇଁ କଟକ ବଡ ମେଡିକାଲ ସ୍ଥାନାନ୍ତର କରାଯାଇଛି । ଘଟଣାସ୍ଥଳରେ ତଳବସ୍ତ ଫାଣ୍ଡି ପୋଲିସ ପହଞ୍ଚି ତଦନ୍ତ ଚଳାଇଛି । ସୂଚନାଯୋଗ୍ୟ ଯେ, କଟକ ଆଡୁ ଏକ ନାଲି କାର୍ ବାଙ୍କୀ ଅଭିମୁଖେ ଆସୁଥିବା ବେଳେ ବିପରୀତ ଦିଗ ତଥା ବାଙ୍କୀ ପଟୁ କଟକ ଆଡ଼କୁ ଏକ ଧଳା କାର୍ ଦ୍ରୁତ ଗତିରେ ଯାଇ ନାଲି କାର୍କୁ ଧକ୍କା ଦେଇଥିଲା । ଫଳରେ ଉଭୟ ଗାଡିରେ ବସିଥିବା ୬ ଜଣ ଯାତ୍ରୀ ଆହତ ହୋଇଥିଲେ । ସେମାନଙ୍କୁ ତୁରନ୍ତ ସ୍ଥାନୀୟ ଲୋକଙ୍କ ସାହାଯ୍ୟରେ ୧୦୮ ଆମ୍ବୁଲାନ୍ସରେ କଟକ ମେଡିକାଲ ପଠାଇ ଦିଆଯାଇଛି ବୋଲି ପୋଲିସ ସୂଚନା ଦେଇଛି । ଧଳା କାରର ଭୁଲ୍ ଯୋଗୁଁ ତଥା ଦ୍ରୁତ ଗତି ଯୋଗୁଁ ଏଭଳି ଘଟଣା ଘଟିଥିବା ପୋଲିସ ପକ୍ଷରୁ ସୂଚନା ମିଳିଛି ।
You Can Read :
ମତଦାତାଙ୍କ ସଂଖ୍ୟା ବୃଦ୍ଧି ପାଇଁ ସଚେତନତା : ଏମିତି ଉପାୟ ଆପଣାଇଲେ ବାଲିଗୁଡା ଉପ-ଜିଲ୍ଲାପାଳ
