ଆଠଗଡ଼ ୧୩।୪: ପୁଣି ଥରେ ଶ୍ବଶୁର ଘରେ ବୋମାମାଡ଼ କରିବାକୁ ଜ୍ବାଇଁ ଆସିଥିଲା । ଜ୍ବାଇଁ ଅବଦୁଲ ମନସୁରକୁ ଗିରଫ କଲା ନରସିଂହପୁର ପୋଲିସ । ତାଙ୍କ ନିକଟରୁ ଚାରୋଟି ଅଫୁଟା ବୋମା ମଧ୍ୟ ଜବତ ହୋଇଛି ।
ସୂଚନାଯୋଗ୍ୟ ଯେ, କଟକ ଜିଲ୍ଲା ନରସିଂହପୁର ଥାନା ଅନ୍ତର୍ଗତ ମୁସଲମାନ ସାହିର ସୁଲତାନ ମହମ୍ମଦଙ୍କ ଜ୍ୱାଇଁ ଅବଦୁଲ ମନସୁର ଗତ ୬ ତାରିଖ ଦିନ ଶ୍ବଶୁର ଘରେ ଦୁଇଟି ବୋମା ପକାଇଥିଲେ । ଖୋର୍ଦ୍ଧା ମକୁନ୍ଦ ପ୍ରସାଦ ଗ୍ରାମରୁ ଦୁଇ ସହଯୋଗୀଙ୍କ ସହିତ ଆସିଥିଲେ ମନସୁର । ଦୁଇଟି ବାଇକ୍ରେ ଆସି ନରସିଂହପୁର ମୁସଲମାନ ବସ୍ତିରେ ବୋମା ପକାଇଥିଲେ । ଏ ନେଇ ଶ୍ବଶୁରଘର ପକ୍ଷରୁ ଥାନାରେ ଅଭିଯୋଗ ହୋଇଥିଲା । ଘଟଣାସ୍ଥଳରେ ନରସିଂହପୁର ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ରବିବାର ପୁଣି ଥରେ ଶ୍ବଶୁର ଘରେ ବୋମାମାଡ଼ କରିବାକୁ ଆସିଥିଲା ଜ୍ବାଇଁ ଅବଦୁଲ ମନସୁର । ତେବେ ମନସୁରକୁ ଗିରଫ କରିଛି ପୋଲିସ । ତାଙ୍କ ନିକଟରୁ ଚାରୋଟି ଅଫୁଟା ବୋମାକୁ ଜବତ କରି ଅଧିକ ତଦନ୍ତ ଜାରି ରହିଛି ପୋଲିସ ।
You Can Read:
