ଆନନ୍ଦପୁର ୦୬।୦୧ : ଧାରଣାରେ ଛାତ୍ରଛାତ୍ରୀ । କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ଫକିରପୁରରେ ଥିବା ଜୟଦୁର୍ଗା ସରକାରୀ ପ୍ରାଥମିକ ବିଦ୍ୟାଳୟ ଗେଟ୍ରେ ତାଲା ପକାଇ ଧାରଣାରେ ବସିଛନ୍ତି ଛାତ୍ରଛାତ୍ରୀ ।
ସ୍କୁଲ ପରିସରରେ ଥିବା ପୁରୁଣା ଗୃହକୁ ପୁନଃର୍ବାର ଛାତ ପକାଇ ମରାମତି କରାଯାଉଛି । ହେଲେ ଗୃହରେ ପୂର୍ବରୁ କୌଣସି ପିଲର ନଥିବା ବେଳେ ଛାତ ପକାଯାଉଛି । ଯାହାଫଳରେ ଦୃବଳ କାନ୍ଥ ଛାତ ଲୋଡ ପାଇଁ ଆହୁରି ଦୃବଳ ହୋଇଯାଉଛି । ସମୟ ସମୟରେ କାନ୍ଥ ଏବଂ ଛାତରୁ ସିମେଣ୍ଟ ଖଣ୍ଡମାନ ଖସୁଛି । ଯାହାକି ପିଲାମାନଙ୍କ ପାଇଁ ବିପଦ ସୃଷ୍ଟି କରିଛି । ଏ ସଂପର୍କରେ ବିଭାଗୀୟ ଅଧିକାରୀଙ୍କୁ ବାରମ୍ବାର ଅଭିଯୋଗ କରିଥିଲେ । ହେଲେ କେହି ନଶୁଣିବାରୁ ଛାତ୍ରଛାତ୍ରୀମାନେ ଏଭଳି ପଦକ୍ଷେପ ନେଇଛନ୍ତି । ସ୍କୁଲ୍ ଗେଟ୍ରେ ତାଲା ପକାଇ ଧାରଣାରେ ବସିଛନ୍ତି ଛାତ୍ରଛାତ୍ରୀ । ଦାବି ନଶୁଣିବା ଯାଏଁ ଏପରି ଆନ୍ଦୋଳନ ଜାରି ରହିବ ବୋଲି କହିଛନ୍ତି ।
