ଭଦ୍ରକ ୨।୮: ଆଳୁ, ପିଆଜ ଓ ଅନ୍ୟ ପରିବା ପାଇଁ ଅନ୍ୟ ରାଜ୍ୟ ଉପରେ ନିର୍ଭର କରିବୁ ନାହିଁ । ନିଜେ ପ୍ରସ୍ତୁତି ଆରମ୍ଭ କରିଛୁ । ଖୁବ୍‌ଶୀଘ୍ର ପ୍ରତ୍ୟେକ ବ୍ଲକରେ ଶୀତଳ ଭଣ୍ଡାର ନିର୍ମାଣ ହେବ ବୋଲି ଯୋଗାଣ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର କହିଛନ୍ତି । 

ଭଦ୍ରକ ଜିଲ୍ଲା ଗସ୍ତ ସମୟରେ ପ୍ରତିକ୍ରିୟା ଦେଇଛନ୍ତି ଯୋଗାଣ ମନ୍ତ୍ରୀ । ମନ୍ତ୍ରୀ କହିଛନ୍ତି ଯେ, ଆଳୁ ପାଇଁ ପଶ୍ଚିମବଙ୍ଗ ସରକାର ବହୁତ ହଇରାଣ କରୁଛନ୍ତି, ବେପାରୀଙ୍କୁ ଦୁର୍ବ୍ୟବହାର କରୁଛନ୍ତି । ପୋଲିସ ମଧ୍ୟ ମୋଟା ଅଙ୍କର ଟଙ୍କା ନେଇ ଆଳୁ ଗାଡି ଛାଡୁଛି । ଆମେ ଅନ୍ୟ ରାଜ୍ୟରୁ ଆଳୁ ଆଣିଛୁ । ଏବେ ଆଳୁ ଓ ପନିପରିବା ଚାଷ ଉପରେ ଗୁରୁତ୍ୱ ଦେବୁ । ଶୀତଳ ଭଣ୍ଡାର ଖୋଲିବୁ । ଅନ୍ୟ ରାଜ୍ୟ ଉପରେ ଆଉ ନିର୍ଭର କରିବୁ ନାହିଁ । 

ଆଗକୁ ରାସନ କାର୍ଡ ସହ ଆଧାର ଲିଙ୍କ୍ କରାଯିବ । ଯେଉଁମାନେ ଅଯୋଗ୍ୟ ସେମାନଙ୍କୁ ବାଦ ଦିଆଯିବା ଉପରେ କାର୍ଯ୍ୟ ଚାଲିଛି । ଅନେକ ହିତାଧିକାରୀ ରାସନ କାର୍ଡ ପାଇଁ ଆବେଦନ କରିଛନ୍ତି । ସେମାନଙ୍କୁ ନୂଆ କାର୍ଡ ଯୋଗାଇ ଦିଆଯିବ ବୋଲି ମନ୍ତ୍ରୀ କହିଛନ୍ତି ।

You Can Read:

ଆସନ୍ତା ୭, ୮ ଓ ୯ରେ ରାଜ୍ୟ ସରକାରଙ୍କ ନିବେଶକ ସମ୍ମିଳନୀ, ପୁଣେ ଓ ଅହମ୍ମଦାବାଦରେ ଅନୁଷ୍ଠିତ ହେବ