ନୂଆଦିଲ୍ଲୀ ୧୫।୦୯: ଭାରତୀୟ ଟି-୨୦ ଦଳର ଅଧିନାୟକ ସୂର୍ଯ୍ୟକୁମାର ଯାଦବ । ୩୪ ବର୍ଷରେ ପାଦ ଦେଇଛନ୍ତି । ୨୦୨୧ରେ ଆରମଭ ହୋଇଥିଲା ମିଷ୍ଟର ୩୬୦ଙ୍କ ଆନ୍ତର୍ଜାତୀୟ କ୍ୟାରିଅର୍ । ନିଜର କ୍ଷୁଦ୍ର ଅନ୍ତର୍ଜାତୀୟ କ୍ୟାରିୟରରେ ମୋଟା ଅଙ୍କର ରୋଜଗାର କରିଛନ୍ତି ସୂର୍ଯ୍ୟା । ଆଇପିଏଲ୍ରେ ୧୦ ଲକ୍ଷରୁ ନିଲାମୀ ଆରମ୍ଭ ହୋଇଥିବା ସୂର୍ଯ୍ୟ ବର୍ତ୍ତମାନ କୋଟି କୋଟି ମୂଲ୍ୟର ଖେଳାଳି ।
ଗତବର୍ଷ ସେ ମୁମ୍ବାଇ ଇଣ୍ଡିଆନ୍ସ ପାଇଁ ଖେଳିବା ପାଇଁ ସେ ୮ କୋଟିରେ ହୋଇଥିଲେ ନିଲାମ । ସୂର୍ଯ୍ୟକୁମାର ଯାଦବ ବର୍ତ୍ତମାନ ବିସିସିଆଇର ଗ୍ରେଡ୍ ବି ପ୍ଲେୟର । ସେ ବିସିସିଆଇରୁ ବାର୍ଷିକ ୩ କୋଟି ଟଙ୍କା ପାଇଥାନ୍ତି । ଏହାବ୍ୟତୀତ ତାଙ୍କୁ ପ୍ରତି ମ୍ୟାଚ୍ ପାଇଁ ମ୍ୟାଚ୍ ଫି ମିଳିଥାଏ ।
ସୂର୍ଯ୍ୟକୁମାର ଯାଦବଙ୍କ ମୋଟ ସମ୍ପତ୍ତି ବିଷୟରେ କହିବାକୁ ଗଲେ ସେ ବର୍ତ୍ତମାନ ୫୫କୋଟିର ମାଲିକ ଅଟନ୍ତି । କ୍ରିକେଟ ବ୍ୟତୀତ ସୂର୍ଯ୍ୟ ବ୍ରାଣ୍ଡ ଏଣ୍ଡୋର୍ସମେଣ୍ଟରୁ କରିଥାନ୍ତି ମୋଟା ଅଙ୍କର ରୋଜଗାର । ସେ ଅନେକ ବଡ ବ୍ରାଣ୍ଡସ ସହ ଯୋଡି ହୋଇଛନ୍ତି । ମିଷ୍ଟର ୩୬୦ଙ୍କର ମୁମ୍ବାଇ ଅନୁଶକ୍ତି ନଗର ଚେମ୍ବୁରର ଏକ ଆଲିଶାନ ଫ୍ଲାଟ୍ର ମାଲିକ ଅଟନ୍ତି ।
ଏହାବ୍ୟତୀତ ତାଙ୍କ ପାଖରେ ଅନେକ ରିଅଲିଷ୍ଟେଟ୍ ପ୍ରପର୍ଟି ରହିଛି । ସୂର୍ଯ୍ କୁମାର ଯାଦବ ଟିମ୍ ଇଣ୍ଡିଆ ପାଇଁ ଗୋଟିଏ ଟେଷ୍ଟ, ୩୭ଟି ଓ୍ବାନଡେ ଏବଂ ୭୧ଟି ଟି-୨୦ ମ୍ୟାଚ ଖେଳିଛନ୍ତି । ସେ ବର୍ତ୍ତମାନ ସମୟକେ ଟି-୨୦ରେ ଟିମ୍ ଇଣ୍ଡିଆ ପାଇଁ ଜଣେ ଗୁରୁତ୍ବପୂର୍ଣ୍ଣ ପ୍ଲେୟର ।