ବେଦାନ୍ତ ଗ୍ରୁପ୍ ଅଧ୍ୟକ୍ଷଙ୍କ ପୁଅ ଅଗ୍ନିବେଶଙ୍କ ପରଲୋକ; ସୋସିଆଲ ମିଡିଆରେ ସେୟାର କଲେ ଭାବପ୍ରବଣ ପୋଷ୍ଟ

ନୂଆଦିଲ୍ଲୀ ୦୮।୦୧; ବେଦାନ୍ତ ଗ୍ରୁପ୍ ଅଧ୍ୟକ୍ଷ ଅନିଲ ଅଗ୍ରୱାଲଙ୍କ ପୁଅ ଅଗ୍ନିବେଶଙ୍କ ପରଲୋକ। ଏହି ଘଟଣା ପାଇଁ ସେ ପୂରାପୂରି ଭାଙ୍ଗି ପଡିଛନ୍ତି। ଅଗ୍ରୱାଲ ନ୍ୟୁୟର୍କର ମାଉଣ୍ଟ ସିନାଇ ହସ୍ପିଟାଲ୍ରେ ହୃଦଘାତରେ ମୃତ୍ୟୁବରଣ କରିଛନ୍ତି। ଆମେରିକାରେ ଏକ ସ୍କିଇଂ ଦୁର୍ଘଟଣାରୁ ଚିକିତ୍ସାଧୀନ ଥିଲେ ଏବଂ ସୁସ୍ଥ ହେଉଥିଲେ। ହଠାତ୍ ହୃଦଘାତ ଯୋଗୁଁ ତାଙ୍କର ହଠାତ୍ ମୃତ୍ୟୁ ହୋଇଥିଲା। ଅନିଲ ଅଗ୍ରୱାଲ ତାଙ୍କ ଏକ୍ସ ଆକାଉଣ୍ଟରେ ଏହି ଦୁଃଖଦ ଘଟଣାର ଖବର ସେୟାର କରିଛନ୍ତି।

ଅନିଲ ଅଗ୍ରୱାଲ ନିଜେ ତାଙ୍କ ପୁଅର ଦେହାନ୍ତ ଖବର କନଫର୍ମ କରିଛନ୍ତି। ଏକ ପୋଷ୍ଟରେ ସେ ଲେଖିଛନ୍ତି, "ଆଜି ମୋ ଜୀବନର ସବୁଠାରୁ ଖରାପ ଦିନ। ମୋର ପୁଅ ଅଗ୍ନିବେଶ ଆମକୁ ବହୁତ ଶୀଘ୍ର ଛାଡ଼ି ଚାଲିଗଲା। ସେ ମାତ୍ର ୪୯ ବର୍ଷ ବୟସର, ସୁସ୍ଥ ଥିବା ସହ ଜୀବନ ଏବଂ ସ୍ୱପ୍ନରେ ପରିପୂର୍ଣ୍ଣ ଥିଲେ। ଆମେରିକାରେ ଏକ ସ୍କିଇଂ ଦୁର୍ଘଟଣା ପରେ ସେ ନ୍ୟୁୟର୍କର ମାଉଣ୍ଟ ସିନାଇ ହସ୍ପିଟାଲରେ ଚିକିତ୍ସିତ ହୋଇ ସୁସ୍ଥ ହୋଇଥିଲେ। ଆମେ ଭାବୁଥିଲୁ ସବୁଠାରୁ ଖରାପ ସମୟ ଶେଷ ହୋଇଗଲା, କିନ୍ତୁ ଭାଗ୍ୟର ଆଉ କିଛି ଚାହିଁଥିଲା। ହଠାତ୍ ହୃଦଘାତ ହେବା ଯୋଗୁଁ ଆମ ପୁଅକୁ ଆମକୁ ଛାଡି ଚାଲିଗଲା।

Today is the darkest day of my life.

My beloved son, Agnivesh, left us far too soon. He was just 49 years old, healthy, full of life, and dreams. Following a skiing accident in the US, he was recovering well in Mount Sinai Hospital, New York. We believed the worst was behind us.… pic.twitter.com/hDQEDNI262

— Anil Agarwal (@AnilAgarwal_Ved) January 7, 2026

ଅନିଲ ଅଗ୍ରୱାଲ କହିଛନ୍ତି, "ଯେଉଁ ପିତାମାତାଙ୍କୁ ତାଙ୍କ ସନ୍ତାନକୁ ବିଦାୟ ଦେବାକୁ ପଡ଼ୁଛି, ସେମାନଙ୍କର ଯନ୍ତ୍ରଣାକୁ କୌଣସି ଶବ୍ଦରେ ବର୍ଣ୍ଣନା କରାଯାଇପାରିବ ନାହିଁ। ଗୋଟେ ବାପା ସାମ୍ନାରେ ପୁଅ ଯିବାଟା ଠିକ୍ ନୁହଁ। ଅଗ୍ନିବେଶଙ୍କ ଦେହାନ୍ତ ଆମକୁ ଭାଙ୍ଗି ଦେଇଛି। ମୋତେ ଆଜି ବି ସେହି ଦିନ ମନେ ଅଛି , ଯେଉଁ ଦିନ ଅଗ୍ନିବେଶଙ୍କ ଜନ୍ମ ହୋଇଥିଲା। ସେ ଏକ ମଧ୍ୟବିତ୍ତ ବିହାରୀ ପରିବାରରେ ବଢ଼ିଥିଲେ, ଜଣେ ଦୃଢ଼, ଦୟାଳୁ ଏବଂ ଉଦ୍ଦେଶ୍ୟପୂର୍ଣ୍ଣ ମଣିଷ ଥିଲା।" ମୋ ପାଇଁ, ସେ କେବଳ ମୋର ପୁଅ ନଥିଲା। ସେ ମୋର ବନ୍ଧୁ, ମୋ ଗର୍ବ ମୋ ଦୁନିଆ ଥିଲା। ମୁଁ ଏବଂ କିରଣ ବିପରି ବଞ୍ଚିବୁ ଜାଣିନୁ। ହେଲେ ଏହି ଦୁଃଖରେ, ଆମେ ନିଜକୁ ବୁଝାଇ ଦେଉଛୁ ଯେ ବେଦାନ୍ତରେ କାମ କରୁଥିବା ହଜାର ହଜାର ଯୁବକ ମଧ୍ୟ ଆମର ସନ୍ତାନ। ଅଗ୍ନିବେଶ ଏକ ଆତ୍ମନିର୍ଭରଶୀଳ ଭାରତ ଗଠନରେ ଦୃଢ଼ ବିଶ୍ୱାସୀ ଥିଲେ।

ରୋଜଗାରର ୭୫% ସମାଜକୁ ଫେରାଇବେ

ଅନିଲ ଅଗ୍ରୱାଲ ଆହୁରି ଲେଖିଛନ୍ତି ଯେ ଅଗ୍ନିବେଶ କେବଳ ଜଣେ ଖେଳାଳି ନଥିଲେ ବରଂ ଜଣେ ସଂଗୀତଜ୍ଞ ଏବଂ ନେତା ମଧ୍ୟ ଥିଲେ। ସେ ଆଜମେରର ମାୟୋ କଲେଜରେ ପାଠପଢ଼ିଥିଲେ। ଫୁଜୈରାହ ଗୋଲ୍ଡ ଭଳି ଏକ ପ୍ରମୁଖ କମ୍ପାନୀ ପ୍ରତିଷ୍ଠା କରିଥିଲେ। ହିନ୍ଦୁସ୍ତାନ ଜିଙ୍କ୍ ର ଅଧ୍ୟକ୍ଷ ହୋଇଥିଲେ ଏବଂ ସହକର୍ମୀ ଏବଂ ବନ୍ଧୁମାନଙ୍କ ସମ୍ମାନ ଅର୍ଜନ କରିଥିଲେ। ତାଙ୍କର ସମସ୍ତ ସଫଳତା ଉପରେ, ସେ ସରଳ ଏବଂ ସ୍ନେହଶୀଳ ଥିଲେ। ଅନିଲ ଅଗ୍ରୱାଲ ତାଙ୍କ ପୁଅକୁ ପ୍ରତିଶ୍ରୁତି ଦେଇଥିଲେ ଯେ ତାଙ୍କ ରୋଜଗାରର ୭୫% ରୁ ଅଧିକ ସମାଜକୁ ଫେରସ୍ତ କରାଯିବ। "ଆମର ସ୍ୱପ୍ନ ଥିଲା ଯେ କୌଣସି ପିଲା ଭୋକିଲା ଶୋଇବନି, କୌଣସି ପିଲା ଶିକ୍ଷାରୁ ବଞ୍ଚିତ ନ ହେବ, ପ୍ରତ୍ୟେକ ମହିଳା ସ୍ୱାବଲମ୍ବୀ ହେବା ଉଚିତ୍, ଏବଂ ପ୍ରତ୍ୟେକ ଯୁବକ ଭାରତୀୟ ଅର୍ଥପୂର୍ଣ୍ଣ ନିଯୁକ୍ତି ପାଇବା ଉଚିତ୍। ମୁଁ ଅଗ୍ନିଙ୍କୁ ପ୍ରତିଶ୍ରୁତି ଦେଇଥିଲି ଯେ ଆମେ ଯାହା ରୋଜଗାର କରୁଛୁ ତାହାର ୭୫% ରୁ ଅଧିକ ସମାଜକୁ ଫେରାଇ ଦେବୁ।

ଅଗ୍ନିବେଶଙ୍କ ସ୍ୱପ୍ନ ପୂରଣ ହେବାକୁ ଅଛି

ଅଗ୍ନିବେଶଙ୍କ ଆଗରେ ଏକ ଦୀର୍ଘ ଜୀବନ ଥିଲା। ଅନେକ ସ୍ୱପ୍ନ ପୂରଣ ହେବାକୁ ବାକି ରହିଛି। ତାଙ୍କ ଅନୁପସ୍ଥିତି ତାଙ୍କ ପରିବାର ଏବଂ ବନ୍ଧୁମାନଙ୍କ ପାଇଁ ଏକ ଗଭୀର ଶୂନ୍ୟସ୍ଥାନ ସୃଷ୍ଟି କରିଛି। ଆମେ ତାଙ୍କ ସମସ୍ତ ବନ୍ଧୁ, ସହକର୍ମୀ ଏବଂ ଶୁଭେଚ୍ଛୁଙ୍କ ପ୍ରତି କୃତଜ୍ଞ ଯେଉଁମାନେ ସର୍ବଦା ତାଙ୍କ ସହିତ ଠିଆ ହୋଇଥିଲେ। ଅଗ୍ନିବେଶ ତୁମେ ସବୁବେଳେ ଆମ ହୃଦୟରେ ବଞ୍ଚି ରହିବ। ତୁମ ବିନା ଏହି ରାସ୍ତାରେ ଚାଲିବା ମୋ ପାଇଁ ଅସମ୍ଭବ। କିନ୍ତୁ ମୁଁ ତୁମର ଆଶା-ସ୍ଵପ୍ନ -ଇଚ୍ଛାକୁ ଆଗକୁ ବଢ଼ାବାକୁ ଚେଷ୍ଟା କରିବି।"