ଭୁବନେଶ୍ୱର ୧୫/୦୪: ସାରା ରାଜ୍ୟରେ ତାପମାତ୍ରା ଉପରୁମୁହାଁ । ବିଭିନ୍ନ ସ୍ଥାନରେ ସକାଳୁ ସକାଳୁ ଖରାର ପ୍ରକୋପ ନଜର ଆସିଲାଣି । ଏମିତିକି ଘରୁ ବାହାରିଲେ ଦେହ ହାତ ପୋଡି ପୋଡି ଯାଉଛି । ରାଜ୍ୟକୁ ଉତ୍ତର, ଉତ୍ତର ପଶ୍ଚିମ ଓ ପଶ୍ଚିମ ଦିଗରୁ ଶୁଷ୍କ ପବନର ପ୍ରବାହ ଧୀରେ ଧୀରେ ବଢୁଛି । ଏଥିପାଇଁ ଦିନବେଳା ତାତି ବଢ଼ିଚାଲିଛି । 

ଆଗକୁ ଆହୁରି ୪ରୁ ୬ ଡିଗ୍ରୀ ବଢ଼ିବ । ଆଭ୍ୟନ୍ତରୀଣ ଓଡ଼ିଶାର କିଛି ସ୍ଥାନରେ ତାତି ୪୨ ଡିଗ୍ରୀ ଛୁଇଁପାରେ । ପ୍ରଚଣ୍ଡ ତାତି ଯୋଗୁ ସୋମବାରଠାରୁ ରାଜ୍ୟରେ ଗ୍ରୀଷ୍ମପ୍ରବାହ ହେବ । ପୁଣି ଲୋକଙ୍କୁ କଲବଲ କରିବ । ପାଣିପାଗ ବିଭାଗ ଏଭଳି ପୂର୍ବାନୁମାନ କରିଛି । ପାଣିପାଗ କେନ୍ଦ୍ରର ପୂର୍ବାନୁମାନ  ଅନୁସାରେ, ରାଜ୍ୟକୁ ଆସୁଥିବା ଗରମ  ପବନ ପ୍ରଭାବରେ ରାଜ୍ୟରେ ଦିନ ତାପମାତ୍ରା ବଢ଼ିଯିବ । 

ଅନେକ ସ୍ଥାନରେ  ତାତି ୪ ରୁ ୬ ଡିଗ୍ରୀ ବଢ଼ିବ । ରାଜ୍ୟର ଅଧିକାଂଶ ଅଞ୍ଚଳରେ ତାତି ୪୦ଡିଗ୍ରୀ  ଉପରେ ରହିବ । ସୋମବାର କଟକ, ନୟାଗଡ଼, ଢେଙ୍କାନାଳ, ଯାଜପୁର ଓ  ଭଦ୍ରକ ଜିଲ୍ଲାର ବିଭିନ୍ନ ସ୍ଥାନରେ ଗ୍ରୀଷ୍ମପ୍ରବାହ ବହିବ । 

ସକାଳୁ ୮.୩୦ ସୁଦ୍ଧା ରାଜ୍ୟର ବିଭିନ୍ନ ସ୍ଥାନର ତାପମାତ୍ରା ୩୦ ଟପିଲାଣି । ଭୁବନେଶ୍ୱରର ତାପମାତ୍ରା ୩୨.୬ ଡିଗ୍ରୀ, ପାରାଦ୍ୱୀପର ତାପମାତ୍ରା ୩୨°C, ପୁରୀର ତାପମାତ୍ରା ୩୨°C, କେନ୍ଦୁଝରର ତାପମାତ୍ରା ୩୨°C, ବାଲେଶ୍ୱରର ତାପମାତ୍ରା ୩୧.୮°C, ଚାନ୍ଦବାଲିର ତାପମାତ୍ରା ୩୧.୬°C, ଝାରସୁଗୁଡାର ତାପମାତ୍ରା  ୩୦.°C, ଝାରସୁଗୁଡାର ତାପମାତ୍ରା ୩୦.୮ °C ହୀରାକୁଦର ୩୦.୨°C, ସମ୍ୱଲପୁରର ତାପମାତ୍ରା ୩୦°C, ରାଉରକେଲାର ତାପମାତ୍ରା ୩୦°C, ଗୋପାଳପୁରର ତାପମାତ୍ରା ୨୯.୮°C ରେକର୍ଡ ହୋଇଛି ।