ନବରଙ୍ଗପୁର ୨୩।୦୯ : ସୋମବାର ତେନ୍ତୁଳିଖୁଣ୍ଟି ବନ୍ଦ ଡାକରା । ସକାଳ ୮ଟାରୁ ଦିନ ଦୁଇଟା ପର୍ଯ୍ୟନ୍ତ ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବନ୍ଦ ଡାକରା ଦିଆଯାଇଛି । ଜୟ ତେନ୍ତୁଳିଖୁଣ୍ଟି ସାମାଜିକ ସଂଗଠନ ପକ୍ଷରୁ ଏହି ବନ୍ଦ ଡାକରା ଦିଆଯାଇଛି ।
ଖବର ଅନୁଯାୟୀ, ଗତ ୧୭ ତାରିଖ ଦିନ ତେନ୍ତୁଳିଖୁଣ୍ଟି ଅଞ୍ଚଳରେ ଜଣେ ନାବାଳିକାଙ୍କୁ ଦୁଷ୍କର୍ମ ପରେ ହତ୍ୟା ହୋଇଥିଲା । ଏହି ଘଟଣାକୁ ସାତ ଦିନ ବିତିଯାଇଥିଲେ ମଧ୍ୟ ପୋଲିସ ଦୋଷୀକୁ ଧରିବାରେ ସକ୍ଷମ ହୋଇପାରିନାହିଁ । ଯାହାର ପ୍ରତିବାଦରେ ୩ ଦଫା ଦାବି ନେଇ ସୋମବାର ତେନ୍ତୁଳିଖୁଣ୍ଟି ସାମାଜିକ ସଂଗଠନ ପକ୍ଷରୁ ବନ୍ଦ ଡାକରା ଦିଆଯାଇଛି । ଦୋଷୀକୁ ତୁରନ୍ତ ଗିରଫ କରିବା ସହ ମୃତ ନାବାଳିକାଙ୍କ ପରିବାରକୁ ୨୦ ଲକ୍ଷ ଟଙ୍କାର କ୍ଷତିପୂରଣ ଦେବା ଏବଂ ନାବାଳିକାର ଶବ ବ୍ୟବଚ୍ଛେଦ ରିପୋର୍ଟକୁ ସାର୍ବଜନୀନ କରିବାକୁ ଦାବି ରହିଛି ।
