ଚେନ୍ନାଇ: କିଛି ବର୍ଷର ନିରବତା ପରେ ତାମିଲନାଡୁରେ ପୁଣି ଚର୍ଚ୍ଚାରେ ଭିକେ ଶଶିକଳା। ଆଗକୁ ବିଧାନସଭା ନିର୍ବାଚନ ଥିବା ବେଳେ ପୁଣିଥରେ ରାଜନୀତିରେ ପ୍ରବେଶ କରିବେ ଦିମ୍ବଗତ ମୁଖ୍ୟମନ୍ତ୍ରୀ ଜୟଳିତାଙ୍କ ଏହି ଘନିଷ୍ଠ ବାନ୍ଧବୀ। ଏନେଇ ଶଶିକଳା ନିଜେ ଗଣମାଧ୍ୟମରେ ଘୋଷଣା କରିଛନ୍ତି। କେବଳ ସେତିକି ନୁହେଁ, ତାଙ୍କ ଦଳ ଏଆଇଏଡିଏମ୍କେ ୨୦୨୬ ନିର୍ବାଚନରେ ବିପୁଳ ବିଜୟ ହାସଲ କରିବ ବୋଲି ମଧ୍ୟ ଦୃଢୋକ୍ତି ପ୍ରକାଶ କରିଛନ୍ତି ଶଶିକଳା।
ସୂଚନା ଥାଉକି ଶଶିକଳା ଏଆଇଏଡିଏମ୍କେ ଦଳକୁ କରାୟତ କରି କ୍ଷମତାକୁ ହାତେଇବାକୁ ଅତୀତରେ ଅନେକ ବିଫଳ ଚେଷ୍ଟା କରିଛନ୍ତି। ଜୟ ଲଳିତା ବଞ୍ଚିଥିବା ସମୟରେ ବି ଶଶିକଳା ଏଆଇଏଡିଏମ୍କେକୁ ହାତେଇବାକୁ ଚେଷ୍ଟା କରିଥିଲେ। ହେଲେ ସଫଳ ହୋଇ ନଥିଲେ। ହେଲେ ଏଥର ତାଙ୍କର ରାଜନୀତିରେ ଏଣ୍ଟ୍ରି ଏକ ନୂଆ ଆରମ୍ଭ ହେବ।
ଏନେଇ ଶଶିକଳା କହିଛନ୍ତି “ ବର୍ତ୍ତମାନ ସମୟରେ ଚିନ୍ତା କରିବାର କିଛି ନାହିଁ। ମୁଁ ନିଶ୍ଚିତ ଯେ ତାମିଲନାଡୁ ଲୋକେ ଆମ ପଟରେ ଅଛନ୍ତି। ମୁଁ ଖୁବ୍ ଦୃଢ଼ ଅଛି। ଏଆଇଏଡିଏମ୍କେ ଯେ ସମାପ୍ତ ହୋଇଗଲା ଏକଥା ଭାବିବା ଉଚିତ ନୁହେଁ। କାରଣ ଏବେ ମୋର ପ୍ରବେଶ ଆରମ୍ଭ ହେଲା।”
ଏଥିସହିତ ଏଆଇଏଡିଏମ୍କେରେ ଜାତିଭିତ୍ତିକ ରାଜନୀତି ପ୍ରବେଶ କରିଛି ବୋଲି କହି ଶଶିକାଳ ନିଜ ଦଳର କିଛି ନେତାଙ୍କୁ ସମାଲୋଚନା କରିଛନ୍ତି। ଏହି ଜାତିଭିତ୍ତିକ ରାଜନୀତି ପାଇଁ ଲୋକସଭା ନିର୍ବାଚନରେ ଦଳର ପରାଜୟ ହେଲା ବୋଲି ଶଶିକଳା ପରୋକ୍ଷରେ ଦର୍ଶାଇଛନ୍ତି। ୨୦୨୪ ଲୋକସଭା ନିର୍ବାଚନରେ ଦଳ ଗୋଟିଏ ବି ଆସନ ଜିତିପାରିଲା ନାହିଁ। ତଥାପି ଦଳ ମୁଖ୍ୟ ଇଡାପାଡ଼ି ପାଲାନିସ୍ୱାମୀ କହିଛନ୍ତି ଦଳ ୨୦୧୯ ଅପେକ୍ଷା ଭଲ ପ୍ରଦର୍ଶନ କରିଛି।
କିଛିବର୍ଷ ତଳେ ଶଶିକଳା ଓ ତାଙ୍କ ପୁତୁରା ଟିଟିଭି ଦିନାକରନଙ୍କୁ ଏଆଇଏଡିଏମ୍କେରୁ ନିଲମ୍ବିତ କରାଯାଇଥିଲା। ପୂର୍ବତନ ମୁଖ୍ୟମନ୍ତ୍ରୀ ପନୀର ସେଲ୍ଭମ ସେତେବେଳେ ବିଦ୍ରୋହର ମୁଖ୍ୟ ଭୂମିକା ନିର୍ବାହ କରିଥିଲେ। ପରେ ପାଲାନୀସ୍ୱାମୀଙ୍କ ସହ କ୍ଷମତାର ଲଢ଼େଇରେ ପନୀର ସେଲ୍ଭମଙ୍କୁ ୨୦୨୨ ଜୁଲାଇରେ ନିଲମ୍ବିତ କରାଯାଇଥିଲା।
୨୦୨୬ରେ ତାମିଲନାଡୁ ବିଧାନସଭା ନିର୍ବାଚନ ହେବ। ଏଥିପାଇଁ ସମସ୍ତ ଦଳ ପ୍ରସ୍ତୁତି ଆରମ୍ଭ କରିଦେଲେଣି। ନିକଟରେ ପନୀରସେଲ୍ଭମଙ୍କର ଦୁଇ ସମର୍ଥକ ତାଙ୍କ ଦଳ ଛାଡ଼ି ଏଆଇଏଡିଏମ୍କେକୁ ଏକାଠି କରିବାକୁ ପ୍ରସ୍ତୁତି କରୁଛନ୍ତି। ଏଥିପାଇଁ ସେ ଉଭୟ ପନୀରସେଲ୍ଭମ, ପାଲାନୀସ୍ୱାମୀ ଓ ଶଶିକଳାଙ୍କ ସହ ଆଲୋଚନା ମଧ୍ୟ କରିଛନ୍ତି। ଏକ୍ ହୋଇ ବିଧାନସଭା ନିର୍ବାଚନ ଲଢ଼ିବା ପ୍ରସ୍ତୁତି କରିବାକୁ ଚେଷ୍ଟା
