ନୂଆଦିଲ୍ଲୀ: ବିଶ୍ୱ ପ୍ରସିଦ୍ଧ ତିରୁପତି ମନ୍ଦିର ପ୍ରସାଦରେ ମାଛ ତେଲ ଏବଂ ପଶୁଙ୍କ ଚର୍ବି ଥିବା ଏକ କଥିତ ଲ୍ୟାବ୍ ରିପୋର୍ଟ ସ୍ପଷ୍ଟ କରିଛି । ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ତିରୁପତି ମନ୍ଦିର ପ୍ରସାଦ ପାଇଁ ବ୍ୟବହାର ହେଉଥିବା ଘିଅରେ ପଶୁ ଚର୍ବି ବ୍ୟବହାର କରାଯାଉଥିବା ଅଭିଯୋଗ କରିଥିଲେ । ଏବେ ଲ୍ୟାବ୍ ରିପୋର୍ଟ ସାମନାକୁ ଆସିଛି, ଯେଉଁଥିରେ ମାଛ ତେଲ ମିଶିଥିବା ଉଲ୍ଲେଖ କରାଯାଇଛି । ଟିଡିପି ନେତା କହିଛନ୍ତି ଯେ ଲ୍ୟାବ୍ ରିପୋର୍ଟ ଅନୁସାରେ ପ୍ରସାଦ ତିଆରିରେ ବ୍ୟବହାର କରାଯାଉଥିବା ଘିଅରେ ପଶୁଙ୍କ ଚର୍ବି ଏବଂ ମାଛ ତେଲ ମିଳିଛି ।
ଟିଡିପି ମୁଖପାତ୍ର ଅନମ ଭେଙ୍କଟ ରମଣ ରେଡ୍ଡି ଏକ ସାମ୍ୱାଦିକ ସମ୍ମିଳନୀରେ କଥିତ ଲ୍ୟାବ ରିପୋର୍ଟ ଦେଖାଇଛନ୍ତି । କଥିତ ଲ୍ୟାବ ରିପୋର୍ଟରେ ନମୂନାରେ ଲାର୍ଡ (ଘୁଷୁରି ଚର୍ବି ସହ ଜଡ଼ି) ଏବଂ ମାଛ ତେଲ ଥିବା ଦାବି କରାଯାଇଛି ।
ଅନମ ଭେଙ୍କଣ୍ଟ ରମଣ ରେଡ୍ଡି କହିଛନ୍ତି, 'ଚନ୍ଦ୍ରବାବୁ ନାଇଡୁ କହିଥିଲେ ଯେ ଘିଅ ତିଆରି କରିବା ପାଇଁ ପଶୁଙ୍କ ଚର୍ବି ବ୍ୟବହାର କରାଯାଉଛି । ଗୁଜରାଟର ରାଷ୍ଟ୍ରୀୟ ଡାଏରୀ ବିକାଶ ବୋର୍ଡକୁ ପଠାଯାଇଥିବୀ ନମୂନା ରିପୋର୍ଟରେ ଏହା ସ୍ପଷ୍ଟ କରାଯାଇଛି ଯେ ଘିଅ ପ୍ରସ୍ତୁତିରେ ପଶୁ ଚର୍ବି ଏବଂ ମାଛ ତେଲ ପ୍ରୟୋଗ କରାଯାଇଛି । ଏହା ହିନ୍ଦୁ ଧର୍ମର ଅପମାନ । ଭାଗବାନଙ୍କୁ ତିନିରୁ ଚାରିଥର ଦିଆଯାଇଥିବା ପ୍ରସାଦରେ ଏହି ଘିଅକୁ ବ୍ୟବହାର କରାଯାଉଥିଲା ।'
#WATCH | Nellore, Andhra Pradesh | TDP spokesperson Anam Venkata Ramana Reddy says, "CM N Chandrababu Naidu had stated yesterday that animal fat was used as one of the ingredients for the preparation of ghee which was supplied to Tirumala Tirupati Devasthanam. The lab reports of… pic.twitter.com/upajZ0C5O6
— ANI (@ANI) September 19, 2024
ସିଏଏଲଏଫ୍ (ପଶୁଧନ ଏବଂ ଖାଦ୍ୟ ବିଶ୍ଲେଷଣ ଏବଂ ଅଧ୍ୟୟନ କେନ୍ଦ୍ର) ଗୁଜରାଟର ଆନନ୍ଦ ସ୍ଥିତ ଏନଡିଡିବି ଏକ ପ୍ରତିଷ୍ଠିତ ଲ୍ୟାବ । ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ଅଭିଯୋଗ କରିଥିଲେ ଯେ ୱାଇଏସଆରସିପି ସରକାର ତିରୁପତି ଲଢୁ ତିଆରିରେ ଖାରପ ସାମଗ୍ରୀ ଏବଂ ପଶୁ ଚର୍ବି ବ୍ୟବହାର କରୁଥିଲେ । ଅନ୍ୟପଟେ ୱାଇଏସଆରସିପି ଗୁରୁବାର ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀଙ୍କ ଏହି ଅଭିଯୋଗକୁ ଖଣ୍ଡନ କରିଛି । ୱାଇଏସଆର ମୁଖ୍ୟ ଜଗନ ରେଡ୍ଡୀଙ୍କ ଭଉଣୀ ତଥା ରାଜ୍ୟ କଂଗ୍ରେସ ମୁଖ୍ୟ ୱାଇଏସ୍ ଶର୍ମିଲା ଘଟଣାର ସିବିଆଇ ତଦନ୍ତ ଦାବି କରିଛନ୍ତି ।
ଅନ୍ୟପଟେ ବିଶ୍ୱ ହିନ୍ଦୁ ପରିଷଦ ଅଭିଯୋଗକୁ ଗୁରୁତ୍ୱର ସହ ନେଇ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କରିଛି । ବିଏଚପି ରାଷ୍ଟ୍ରୀୟ ମୁଖପାତ୍ର ବିନୋଦ ବଂଶଲ କହିଛନ୍ତି, ଆନ୍ଧ୍ର ପ୍ରଦେଶର ପୂର୍ବ ସରକାରର ହିନ୍ଦୁ ବିରୋଧୀ କୃତ୍ୟକୁ ସମସ୍ତେ ଜାଣନ୍ତି, କିନ୍ତୁ କେହି ମଧ୍ୟ ଏହା ଆଶା କରିନଥିଲେ ଯେ ସେମାନେ ଏତେ ତଳ ସ୍ତରକୁ ଖସି ଯିବେ । ଏହା ଅତ୍ୟନ୍ତ ସଙ୍ଗୀନ ପ୍ରସଙ୍ଗ, ଯାହାକୁ ଅନ୍ୟ କେହି ନୁହେଁ ବରଂ ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ଉଠାଇଛନ୍ତି । ତିରୁପତି ଲଡୁ ପ୍ରସାଦରେ ଚର୍ବି ବ୍ୟବହାର କରୁଥିବା ଲୋକଙ୍କୁ ଦଣ୍ଡିତ କରାଯିବା ଦରକାର ।
