ଦିଗପହଣ୍ଡି ୨୬।୧୨ : ଝୁଲିପଡିଲେ ପ୍ରେମୀ ଯୁଗଳ । ରାସ୍ତା କଡ଼ରେ ଥିବା ଏକ ଗଛରୁ ପ୍ରେମୀ ଯୁଗଳଙ୍କ ଝୁଲନ୍ତା ମୃତଦେହ ଠାବ ହୋଇଛି । ଗଞ୍ଜାମ ଜିଲ୍ଲା ପାଟପୁର ଥାନା ଅଲାରିଗଡ଼ ନିଷ୍ଟିପୁର ନିକଟରୁ ଠାବ ହୋଇଛି ପ୍ରେମୀ ଯୁଗଳଙ୍କ ମୃତଦେହ ।
ଖବର ଅନୁଯାୟୀ, ଗୁରୁବାର ଦିନ ସକାଳୁ ସମୟରେ ଗଞ୍ଜାମ ଜିଲ୍ଲା ପାଟପୁର ଥାନା ଅଲାରିଗଡ଼ ନିଷ୍ଟିପୁର ରାସ୍ତା ପାଖ ଜଙ୍ଗଲରେ ଥିବା ଏକ ଗଛରେ ପ୍ରେମୀ ଯୁଗଳଙ୍କ ଝୁଲନ୍ତା ମୃତଦେହ ଦେଖିଥିଲେ ସ୍ଥାନୀୟ ଲୋକ । ଏହାପରେ ତୁରନ୍ତ ନିକଟସ୍ଥ ପାଟକୁରା ଥାନାକୁ ଖବର ଦେଇଥିଲେ । ପାଟକୁରା ଥାନା ପୋଲିସ ଘଟଣାସ୍ଥଳରେ ପହଞ୍ଚି ଉଭୟଙ୍କ ମୃତଦେହ ଉଦ୍ଧାର କରିଥିଲା । ଆଉ ବ୍ୟବଚ୍ଛେଦ ନିମନ୍ତେ ନିକଟସ୍ଥ ମେଡିକାଲକୁ ପଠାଇଛି ପୋଲିସ । ବର୍ତ୍ତମାନ ଯାଏଁ ମୃତକଙ୍କ ପରିଚୟ ମିଳିନଥିବା ବେଳେ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁ ସଠିକ କାରଣ ଜଣାପଡିବ ବୋଲି ଆଶା ରଖିଛି ପୋଲିସ । ସେହିପରି ମୃତଦେହ ନିକଟରେ କିଛି ପ୍ୟାକେଟ ପଡିଥିବା ଦେଖିବାକୁ ମିଳିଛି । ବିଷକ୍ରିୟାରୁ ମୃତ୍ୟୁ ହୋଇଛି ନା ଆଉ କେଉଁଥି ଲାଗି ମୃତ୍ୟୁ ହୋଇଛି । ରିପୋର୍ଟ ଆସିଲେ ହିଁ ସ୍ପଷ୍ଟ ହେବ ବୋଲି ଜଣାପଡିଛି ।
